ROMNHORÉ 51
E niha wamremedzém na wa dza tãma rowẽ dzaꞌra ni Jeová ma.
Jeová marĩ ĩwẽ uptabi ma tô wama titsõ: wamreme hã. Tãma hã e ĩpire uptabi wa te pibui wẽ dzaꞌra da te te wama ĩtsõmri dzaꞌra dzém na hã. Tô tsena ĩpire. (Tsõré na Tiago 1:26.) E niha tawamhã Jeová ma, wa dza tãma rowẽ dzaꞌra ni wamremedzém na.
1. E niha wa dza pibui wẽ dzaꞌra ni wamremedzém na.
Ropotoꞌwai mreme te tinha ‘ꞌre watsipawaptob dzaꞌra mono da, wapẽꞌẽ wẽ dzaꞌra na wanhiptete tsina ꞌre wahöimana dzaꞌra mono da.’ (1 Tessalonicenses 5:11) E niꞌwa aima waihuꞌu petse di da te ĩtsiptete da tsi damreme na hã. E marĩ te dza ĩꞌmanha tahã rowẽ na tsina höimana da. Tãma waihuꞌu aima ĩtsawi na hã. Niwamhã te dza tãma ĩnha nimahã ĩhöimanadzém na hã te te aima ĩrowẽ na hã. Rotsaꞌrata nimahã roti na Ropotoꞌwai mreme hawi tsiptete da. Ahö di roti mono Ropotoꞌwai mreme hawi pitsutu da hã. Duré aipoꞌre puꞌu niha aimreme wamhã te te daꞌarétsi waihuꞌu petse di. Taha wa, ꞌre aimreme mono atãma na duré ĩwẽ na tsi. — Provérbios 15:1.
2. E niha ĩwamreme tõ da tsi.
Ropotoꞌwai mreme te tinha: ‘Aimreme watsété na dama ꞌre aimreme dzutsi aba mono õ di dza oto.’ (Tsõré na Efésios 4:29.) Tahã te watsuꞌu damreme uptom na ꞌre wamreme mono tõ da duré daꞌãma wa te dawatsété dzaꞌra mono tõ da wa te dawi robdzeiꞌõ dzaꞌra tõ da. Taha nhipai u, wa te ĩdabötsi mono tõ da tsi duré wa te ĩrobötsi mono tõ da tsi. — Tsõré na Provérbios 16:28.
3. E marĩ te dza wapawapto wamreme na wa te dama arowẽ mono da.
Wamremedzé hã te höiꞌré wanhimirotsaꞌrada duré wapẽꞌẽ ꞌremhã. (Lucas 6:45) Taha wa, ĩwatsiwatsutu dzaꞌra da tsi wa te rotsaꞌrata dzaꞌra da marĩ ĩwẽ na, ‘uburé ãma ĩdaꞌudzei wẽ na tsi, duré uburé marĩ ĩꞌuptabi na tsi duré uburé marĩ ãma ĩdawadzé petse na tsi duré uburé marĩ ĩꞌuwaibaba na tsi duré uburé marĩ ĩwatsété õ na tsi.’ (Filipenses 4:8) Taha wa, ĩpire wa te ĩpitsutu da hã wa te ĩꞌmanharĩdzém na wa te watsima rowẽ da, ãma ĩtsimiré, ĩropoto na, romhörö na duré watsiwaihuꞌudzém na. (Provérbios 13:20) Duré ĩpire wa te rotsaꞌrata da wamreme wana ré. Rotsaꞌrata e niha te dza dahöimana dzaꞌra aimremedzém na. Ropotoꞌwai mreme te tinha: ‘Datsiꞌabaꞌré na damreme dzani hã aiwa, tsibꞌédzé ꞌwa pa ꞌwa ꞌrãtsutu ne hã te ꞌre höimana dzaꞌra. Tane nherẽ, ĩꞌrãi waihuꞌu wẽ norĩ mreme hã te te ꞌre daꞌaꞌrãdzéptöꞌö waihuꞌu petse mono di.’ — Provérbios 12:18.
WAIHUꞌU DURÉ
Te dza ĩꞌmadö e niha te dza ĩrowẽ Jeová ma duré e niha te dza ĩdaꞌanhipte aimremedzém na.
4. Ãma pibui petse aimremedzém na
Wa norĩ aihĩni wa tô watsiꞌruiwapari dzaꞌra ni marĩ ĩwamremedzém na hã. (Tiago 3:2) Atsiré tsõré aba Gálatas 5:22, 23. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Ãhã romnhihödö te watsuꞌu dahöimanadzé ĩwẽ ahö na te te ĩwapawaptob dzaꞌra wamremedzém na hã wa te pibui petse dzaꞌra da. E mahã dahöimanadzé ĩwẽ ta norĩ ꞌremhã te dza ĩwaptẽ Jeová wi. E niha ãhã dahöimanadzé ĩwẽ norĩ te dza aipawaptob dzaꞌra.
Atsiré tsõré aba 1 Coríntios 15:33. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha watsiwaihuꞌu norĩ duré dato wa te watsima ĩpitsudu te dza warétsi dzaꞌra wamremedzém na hã.
E marĩ te dza warétsi dzaꞌra wamremedzém na hã.
Atsiré tsõré aba Eclesiastes 3:1, 7 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:
E mahã romhöimanadzém na warétsi ãna wa dza wahöimana dzaꞌra ni wamreme tsuꞌu tõ da.
5. Daꞌãma aimreme wẽ na
E niha wa dza ꞌmanharĩ dzaꞌra ni wa te daꞌawaiꞌre tõ da wamremedzém na hã. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Ĩropoto na, watsitsãnawã ma tô tsina waihuꞌu daꞌãma ĩwatsété dze na. E marĩ wa, ma tô tsima wẽ tihöimanadzém na te te ãma tsaprĩ da.
E marĩ, ma ꞌmanha te te ãma tsaprĩ da.
Atsiré tsõré aba Eclesiastes 7:16 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:
Rotsaꞌrata wamhã daꞌãma aimreme watsété da e marĩ na te dza aipoꞌre pu.
Atsiré tsõré aba Eclesiastes 7:21, 22 TNM. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha ãhã romnhihödö te dza aipawapto aiwi robdzeiꞌõ tõ da aiꞌãma damreme watsété wamhã.
6. Aihöimana prédum na aimreme ate família norĩ ma
Jeová te tsima wẽ wanhimidzawi na duré wahöimana prédum na wamreme dzaꞌra da wate família norĩ ma. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ te dza aipawapto aihöimana prédum na aimreme da ate família norĩ ma.
Atsiré tsõré aba Efésios 4:31, 32. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha wa dza wamreme dzaꞌra ni wate família norĩ te te tsina waihuꞌu dzaꞌra da wa te ĩtsawi dzaꞌra na hã.
Jeová te tinha tiꞌra Jesus tãma ĩtsawi petse na hã. Atsiré tsõré aba Mateus 17:5. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha te dza ĩtsidzu Jeová ate família norĩ ma aimreme wamhã.
Tsada ꞌre atsiptete mono dahöimanadzé ãma aiwata da.
NIꞌWAM NORĨ TE NHARĨ DZAꞌRA ÃNE: “Ĩ̱nhimirotsaꞌrata bö wa dza ĩ̱mreme. Te te dama rowẽ õ wamhã, ĩte hã.”
E ãne te ĩrotsaꞌra. E marĩ wa.
ĨWAIHUꞌUDZÉ HÃ
Wamremedzé te te darétsi waihuꞌu petse di. Taha wa, wa dza pibui petse dzaꞌra ni wamremedzém na, e niwa wa dza wamreme dzaꞌra ni duré e niha.
Ãma aipoꞌre puꞌu
E niha wa dza dapawaptob dzaꞌra ni wamremedzém na hã.
E niha ĩꞌaimreme tõ da tsi.
E marĩ te dza wapawaptob dzaꞌra wahöimana prédum na dama wamreme dzaꞌra da duré wamremedzém na wa te dapawaptob dzaꞌra da.
TSÔ AIRĨTĨ DURÉ
E marĩ te dza wapawaptob dzaꞌra dama wamreme wẽ dzaꞌra da.
ꞌMadöꞌö e marĩ te dza aipawapto tsadzöri da damreme uptom na.
ꞌMadöꞌö e niha te dza ĩꞌmanha daꞌãma aimreme watsété tõ da.
ꞌMadöꞌö e niha Jeová ma pawapto aibö damreme uptom na te te tsadzöri da.
“Wa tô rotsaꞌrata ĩ̱höimanadzé te te ĩtsaprõnidzém na” (Roꞌmadöꞌöꞌwa, 1.° agosto na, 2013 na)