ROMNHORÉ 02
Bíblia te wama ropitsutu dzaꞌra marĩ ĩwẽ norĩ na
Daꞌahö na te robdzépata dzaꞌra ni. Taha wa dama robdzei õ mono di, dahötöꞌö di duré robdzé di. E tahã ma tô oto atsô watobro. Ãté te ĩrobdzépa dahödzé uꞌöbö niwamhã niꞌwa aima ĩtsawi pe döꞌö wa. Ãne wamhã, te dza ĩrotsaꞌra: ‘E nimahã na hã dahöimanadzé te dza tsihiri wẽ.’ Aima wẽ di dza waihuꞌu wamhã Bíblia te te ĩtsadaꞌöbödzé hã.
1. E marĩ ĩwẽ norĩ na Bíblia te wama ropitsutu dzaꞌra.
Bíblia te ãma rowatsuꞌu e marĩ wa, robdzépata tsaꞌẽtẽ di. Taha nhipai u rowatsuꞌu wẽ te wama höiꞌré dzaꞌra: romhutuꞌõmhã robdzépata te dza aiꞌutõ. Bíblia nhimiropitsudu hã ‘te te ꞌre waꞌapawapto, wapẽꞌẽ ꞌre, ꞌre wanomro wẽ uꞌötsi mono da, wahöimana nhiptete tsina wanhimiꞌẽ na tsô ꞌre wanhimipari uꞌötsi dzaꞌra mono da, ĩwẽ dzô.’ (Tsõré na 2 Tessalonicenses 2:16.) Te wapawaptob dzaꞌra awaꞌawi hã ꞌre watsiwatsutu dzaꞌra mono da ropire norĩ dzada duré wato tsina ꞌre wahöimana dzaꞌra mono da. Ãne hã rowẽ na wa dza ꞌre wahöimana uꞌötsi dzaꞌra.
2. Bíblia dzarina e niha dza aptoꞌoré hã.
Bíblia dzarina aptoꞌoré hã ‘oto ꞌre dadöꞌö dzaꞌra mono õ di dza. Duré ꞌre datsiwaꞌõ dzaꞌra mono õ di dza oto. Duré dahödzé, da te ꞌre tsépata dzaꞌra mono õ di dza oto.’ (Tsõré na Apocalipse 21:4.) Danhimarĩꞌõ hã, danhimiwẽꞌõ hã, dahödzé hã, duré dadö, uburé petse da te ꞌre ĩrobdzépata dzaꞌra mono dzé hã ꞌre höimana dzaꞌra mono õ di dza oto. Bíblia te ropitsutu rowẽ tsina ꞌre ĩdahöimana uꞌötsi dzaꞌra mono na hã dza Ro Ĩwẽ ãma, Tiꞌai ãma.
3. E niha te dza tsena ĩwaihu Bíblia nhimiropitsutu norĩ dza ĩwairébé na hã.
Daꞌahö na te tsô ꞌre danhimipari dzaꞌra ĩwẽ dzô. Tadzahã dama waihuꞌu õ di, dza ĩwatobro da na hã. Bíblia nhimiropitsudu hã ãnei õ di. Te dza tsena ĩwaihu Bíblia te te ĩnharĩdzé hã uburé petse dza ĩwatobro na hã ‘awẽ tsidöpö ꞌRe ĩhöimana uꞌötsi mono mreme na ... robꞌuiꞌéré hã natsi tsõré wamhã.’ (Atos 17:11) Bíblia na romnhoré wamhã atsiꞌuihö na te dza ĩwaihu Bíblia nhimiropitsutu norĩ hã ĩꞌuptabi dzô.
WAIHUꞌU DURÉ
ꞌMadöꞌö Bíblia te te ĩropitsutudzé hã aptoꞌoré wab da. Duré ꞌmadöꞌö Bíblia nhimiropitsudu te te ĩdaꞌapawaptobdzé hã ã bötö mono na hã.
4. Bíblia te ropitsutu dza ꞌre ĩwahöimana dzaꞌra mono na hã robdzépata ãna
ꞌMadöꞌö piꞌrebamhã Bíblia nhimiropitsutu norĩ. E ma norĩ hã ma aima rowẽ dzaꞌra danhipai u. E marĩ wa, ta norĩ hã ma tô ĩpitsu.
Atsiré tsõré aba Bíblia na romnhihötö norĩ ropitsutu niwĩ mono bö. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Aima hã e dama rowẽ di dza ãhã ropitsutu norĩ dzô ꞌre danhimipari mono wamhã. E ãté te te pawapto waihuꞌu petse dzaꞌra di niꞌwa ate família ꞌremhã, niwamhã atsiwaihu.
Ãma rotsaꞌrata e niha dza dahöimanadzé hã nimame
NIꞌWA TE TE ROBDZÉPATA Õ DI DZA TA NORĨ UꞌÖBÖ . . . |
AIHĨNI TE DZA ꞌRE HÖIMANA DZAꞌRA . . . |
|---|---|
|
|
|
|
|
|
|
|
|
|
5. Bíblia nhimiropitsutu norĩ te te aipawapto waihuꞌu petse di aihöimanadzém na
Dama robdzei õ di duré dadzahi dzaꞌra di roꞌwaꞌrudu da te ĩꞌmadöꞌö dzaꞌra dzém na hã Tiꞌai mono bö. Niꞌwam norĩ te ꞌwapé dzaꞌra roꞌwaꞌrutu norĩ dahöimanadzé te te hiri wẽ dzaꞌra da. ꞌMadöꞌö e niha Bíblia nhimiropitsutu norĩ aptoꞌoré wab da nherẽ te dapawaptob dzaꞌra awaꞌawi na hã. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
Ĩropoto na, e marĩ ĩböiꞌõ ma tô te te ꞌre roꞌwaꞌré petse Rafika wi.
Danhimiwẽꞌõ dzahadu tsiꞌutõrĩ õ nherẽ, e niha Bíblia ma tô pawapto Rafika.
Bíblia nhimiropitsutu norĩ aptoꞌoré wab da te dza wapawaptob dzaꞌra ꞌre watsiwatsutu dzaꞌra mono da wawi robdzei õ wamhã duré ropire wamhã. Atsiré tsõré aba Provérbios 17:22 duré Romanos 12:12. Taha parimhã atsima robdzanhamri aba ãhã dadzadanharĩ ãma piꞌrebamhã:
Aima hã, danhimipari ĩwẽ dzô Bíblia hawi e te te aipawapto waihuꞌu petse di aihöimanadzém na. E marĩ wa, te ĩrotsaꞌra ãne.
NIꞌWAM NORĨ TE NHARĨ DZAꞌRA ÃNE: “Bíblia nhimiropitsudu wẽ di, tadzahã ãma ĩ̱nhimidzadzei õ di.”
Aima hã, e marĩ wa, ĩpire uptsibi me da tahã ĩꞌuptabi dzô.
ĨWAIHUꞌUDZÉ HÃ
Bíblia te wama tsõmri dzaꞌra danhimipari ĩwẽ dzô dza ꞌre ĩwahöimana dzaꞌra mono na hã rowẽ na tsi. Tahã te wapawaptob dzaꞌra roꞌwaꞌrutu norĩ dzada wa te ꞌwapé dzaꞌra da.
Ãma aipoꞌre puꞌu
E marĩ wa, wẽ di da te waihuꞌu dzaꞌra wamhã Bíblia nhimiropitsutu norĩ.
E marĩ Bíblia te wama höiꞌré dzaꞌra dza ĩwatobrodzé hã.
E niha Bíblia nhimiropitsutu norĩ te te tsaprĩ waihuꞌu petse dzaꞌra di aihöimanadzé.
TSÔ AIRĨTĨ DURÉ
Waihuꞌu duré e niha danhimipari ĩwẽ dzô te te aipawapto waihuꞌu petse di.
“Danhimipari ĩwẽ dzô — E mame te dza ĩtsõpẽ” (Atsimidzaꞌretse! 22 abril na 2004 na)
ꞌMadöꞌö e niha danhimipari ĩwẽ dzô te dza pawaptob dzaꞌra ĩhödzé ré uꞌötsi norĩ.
“E Bíblia te dza aipawapto ꞌre aihöimana mono da aihödzé uꞌötsi nherẽ.” (Ĩtsihötödzé jw.org na)
Ĩropoto romhörö na ꞌmadöꞌö wamhã, atsitsõwa roꞌmadöꞌö a hã duré atsitsãnawã norĩ me hã rowẽ na ꞌre ĩꞌaihöimana dzaꞌra waꞌaba mono na hã Ro Ĩwẽ ãma Bíblia te te ĩropitsutu na hã.
Tsõré na, e niha ĩtsiwaptsariꞌwa höimanadzé ma tô ãma tsaprĩ ni danhimipari ĩwẽ dzô Bíblia hawi te te waihuꞌu wamhã.
“Awaꞌawi te oto rotsaꞌrata õ di te ãma ĩtsaprĩ da tsi tiꞌa hã” (Roꞌmadöꞌöꞌwa, 1.º julho na 2013 na)