Iintlanganiso Zokusinceda Senze Abafundi
IVEKI EQALA NGOJULAYI 2
10 imiz: Izaziso zasekuhlaleni neZaziso ezikhethiweyo kuBulungiseleli Bethu BoBukumkani. Balaselisa amanqaku asenokusetyenziswa kumsebenzi wamaphephancwadi ngalo Mgqibelo. Yiba nemiboniso emibini, ngamnye ubalaselisa inqaku lephephancwadi elinye.
15 imiz: “Sonke Kufuneka Sifundisise.” Imibuzo neempendulo. Qukumbela ngamazwi (1) avela kubavakalisi abazongela ixesha nabanocwangciso oluhle lofundisiso, (2) naphathelele iingenelo zokufunda iimpapasho ezindala ezikhankanywe kwisiqendu 5.
10 imiz: “Ukuvakalisa Iindaba Ezilungileyo Kwimihlaba Yethu Engabelwanga Bani.” Intetho ngumveleli wenkonzo. Yandlala amalungiselelo ebandla uze ucele inkxaso yalo epheleleyo.
10 imiz: Iingongoma Ekunokuthethwa Ngazo Xa Kuhanjiswa Iincwadana Ezinemifanekiso. Quka abaphulaphuli ekuphuhliseni ezinye zeembalasane zeencwadana ezinemifanekiso ezahlukahlukeneyo ibandla elinazo esitokweni ezinokusetyenziswa enkonzweni. Usengathanda ukwabela abavakalisi abathile abafanelekileyo kwangaphambili.
Ingoma 20 nomthandazo wokuqukumbela.
IVEKI EQALA NGOJULAYI 9
10 imiz: Izaziso zasekuhlaleni nengxelo yemali. Quka nayiphi na iminikelo eyamkelweyo. Lincome ibandla ngokuwuxhasa kwalo ngemali umsebenzi woBukumkani wazwenibanzi nangokunyamekela kwalo iimfuno zasekuhlaleni.
20 imiz: “Khuthaza Izifundo ZeBhayibhile Zenze Inkqubela.” Ingxubusho yemibuzo neempendulo. Xa uqwalasela isiqendu 4, yiba nomboniso olungiselelwe kakuhle obonisa indlela umvakalisi onamava akhuthaza ngayo isifundo sakhe ukuba senze inkqubela ebudeni bokuxubusha kwabo isiqendu 3 kwiphepha 14 lencwadana enemifanekiso ethi Enza Ukuthanda KukaThixo.
15 imiz: Isifundo SeBhayibhile Sinokuba Nayo Nini Inxaxheba Kubulungiseleli Basesidlangalaleni? Intetho ngumdala esekelwe kwiMboniselo kaDisemba 1, 1989, “Imibuzo Evela Kubafundi,” iphepha 31. Gxininisa ukuba abasebatsha, ngaphandle kwabantwana bethu, abafanele bamenywe ukuba basipheleke kubulungiseleli basentsimini de babe abadala ababini baye bathetha nabo baza baqinisekisa ukuba bayafaneleka.
Ingoma 217 nomthandazo wokuqukumbela.
IVEKI EQALA NGOJULAYI 16
10 imiz: Izaziso zasekuhlaleni. Yenza impinda yeembalasane zengxelo ka-Aprili. Lincome ibandla ngoko likuphumezileyo ekuhlaleni. Bakhuthazele ukuba nesabelo kwinkonzo yasentsimini kule mpelaveki.
20 imiz: “Indima Yakho Ekwenzeni Iintlanganiso Zibe Yingenelo.” Umdala usingatha ingxubusho yemibuzo neempendulo. Gxininisa oko kufuna ingqalelo ekuhlaleni. Ncoma apho kufaneleke khona.
15 imiz: Ukuhlola Amathuba Akho Okuba Nguvulindlela. Intetho yokhuthazo nodliwano-ndlebe. EMzantsi Afrika, ngoku sinoovulindlela abathe ngxi abamalunga nama-3700 beendidi zonke zabantu nabaneemeko ezahlukahlukeneyo. Yintoni ebashukumisele ekubeni ngoovulindlela? Luthando ngoYehova nangommelwane (Mat. 22:37-39); inkxalabo enzulu ngabantu nomnqweno wokunceda abangakumbi basindiswe (1 Tim. 2:4); umoya wokuzincama ngenxa yezilangazelelo zoBukumkani. (1 Kor. 9:23) Kumele kuhlakulelwe umnqweno. Ngaba uyakwenza oku? Amanyathelo ofanele uwathabathe ukuba unqwenela ukuba nguvulindlela: (1) Wandlale lo mbandela kuYehova ngomthandazo (Mat. 7:7, 8; Fil. 4:6); (2) xubusha noovulindlela nabadala (IMize. 15:22); (3) zama ukuzenzela ucwangciso olubhalwe phantsi, uphawule indlela oluzichaphazela ngayo ezinye iimbopheleleko zobuKristu (Luka 14:28); (4) zibekele usuku lokuqalisa, ungalindi ukuba iimeko zide zikuvumele ngokupheleleyo. (INtshu. 11:4) USeptemba lixesha elihle lokuqalisa; usenokukufanelekela ukuya kwiSikolo Senkonzo Soovulindlela kunyaka olandelayo. Dlan’ indlebe novulindlela omnye okanye ababini ngendlela abayoyise ngayo imiqobo ukuze bakwazi ukuba ngoovulindlela. Yiba nesimo sengqondo esingqalileyo.
Ingoma 128 nomthandazo wokuqukumbela.
IVEKI EQALA NGOJULAYI 23
15 imiz: Izaziso zasekuhlaleni. Iindaba Ezingokobuthixo. Balaselisa iingongoma eziziintloko kwelithi “Hlalani Niphaphile Nize Niqabuke.”
15 imiz: “Ukunikela Iindaba Ezilungileyo—Njengentsapho.” Ukugutyungelwa kombandela ngemibuzo neempendulo. Buza umbuzo omnye okanye emibini kuphela kwisiqendu ngasinye ukuze iziqendu zibe nokufundwa.
15 imiz: Iimfuno zasekuhlaleni. Okanye intetho esekelwe kwinqaku elithi “Ngaba Uya Kungenelwa Lubabalo?” kwiphepha 21-3 leMboniselo kaFebruwari 15, 1990.
Ingoma 8 nomthandazo wokuqukumbela.
IVEKI EQALA NGOJULAYI 30
10 imiz: Izaziso zasekuhlaleni. Imiboniso emibini yeentshumayelo ezicetyisiweyo, ngamnye ubalaselisa inqaku lephephancwadi elinye, ukwenzela umsebenzi wamaphephancwadi ngoMgqibelo.
15 imiz: “Ukubonakalisa Ukukholosa NgoYehova Ngokuba Nguvulindlela.” Umdala nesicaka solungiselelo baxubusha inqaku elikuBulungiseleli Bethu BoBukumkani bukaFebruwari 1990. Quka amacebiso asebenzisekayo anokuba luncedo kwibandla lasekuhlaleni.
15 imiz: “Ubambo-xesha Nawe.” Intetho esekelwe kwinqaku leMboniselo kaJuni 15, 1990, iphepha 26-9. Quka ukhuthazo kubo bonke abadala nezicaka zolungiselelo lokuba babe sezintlanganisweni imizuzu eli-15 ukusa kwengama-20 ngaphambi kwexesha ukuze babe luncedo kwibandla.
5 imiz: Amava angokuqalisa izifundo ngeencwadana ezinemifanekiso. (Ukuba awakho awasekuhlaleni, nisenokuba ninawo amava angokuhanjiswa kweencwadana ezinemifanekiso.)
Ingoma 169 nomthandazo wokuqukumbela.