Iintlanganiso Zokusinceda Senze Abafundi
IVEKI EQALA NGOSEPTEMBA 3
10 imiz: Izaziso zasekuhlaleni neZaziso ezikhethiweyo kuBulungiseleli Bethu BoBukumkani. Ngaba Uyixhobele Intsimi? Yandlala izinto ezifunekayo kwingxowa yenkonzo yasentsimini, kuquka iBhayibhile, Ukuqiqa NgeZibhalo, incwadana ethi Good News for All Nations, amaphecana, into yokubhala, umnikelo osexesheni namaphephancwadi, ingxelo yendlu ngendlu, njalo njalo. Ukuba ngoxhobileyo engqondweni kufuna ukuba uhlolisise iingongoma oza kuzibalaselisa kuncwadi. Kwakhona, thandazela umoya oyingcwele noncedo lokufumana abo babumvu. (Fil. 4:6, 7) Nikela ingxelo emfutshane engemiphumo efunyenweyo kumhlaba ongabelwanga bani ukuza kuthi ga ngoku. Khuthaza inkxaso eqhubekayo kwinxalenye eseleyo yohlaselo.
20 imiz: “Vakalisa Iindaba Ezilungileyo Imihla Ngemihla.” Imibuzo neempendulo. Umboniso omfutshane wenxalenye yocwangciso lokuqhelisela kwentsapho ilungu elinye lentsapho linikela intshumayelo elula ekuBulungiseleli Bethu BoBukumkani kwelinye ilungu lentsapho.
15 imiz: Umdala uthetha neqela lolutsha olungumzekelo. Xubusha iingongoma eziziintloko kwincwadi ethi Abantu Abaselula, isahluko 17, esithi “Ngaba Ndifanele Ndisishiye Isikolo?” Gxininisa imfuneko kubazali yokukhokela abaselula ekukhetheni uludwe lwezifundo olubancedayo ekuzuzeni ubuchule obusebenzisekayo, obuluncedo obuya kubanceda ekwakheni ikamva nentlangano kaThixo baze babe nosukelo lwezilangazelelo zoBukumkani.
Ingoma 225 nomthandazo wokuqukumbela.
IVEKI EQALA NGOSEPTEMBA 10
5 imiz: Izaziso zasekuhlaleni. Iindaba Ezingokobuthixo. Khumbuza ngamalungiselelo enkonzo yasentsimini, ukhuthaza inkxaso ekunikeleni ubungqina ngamarhatya.
15 imiz: “Ukunikela Iindaba Ezilungileyo—Ngamaphephancwadi.” Ingxubusho yemibuzo neempendulo. Xa uqwalasela isiqendu 8, bonisa indlela umzila wamaphephancwadi onokumiselwa ngayo nomntu obonisa umdla wokwenene, ubalaselisa inqaku elikwiphephancwadi elibangela umdla ekuhlaleni.
15 imiz: “Balandele Ngentembelo Abo Bakhokelayo.” Ukugutyungelwa kombandela ngemibuzo neempendulo usetyenziswa ngokwasekuhlaleni. Mawusingathwe ngumdala onamava.
10 imiz: “Siyabaxabisa Abakhulileyo!” Intetho ngumdala, esekelwe kwinkcazelo ekwiMboniselo kaFebruwari 1, 1986, iphepha 28-9. Yenze isebenze ekuhlaleni. Unokugqabaza ngokukhethekileyo ngokusebenza nabanjalo entsimini, sithobe isantya ukuze sihambisane nabo kakuhle. Sinokubanceda ekuthengeni, ekulungiseleleni ukuba babonane nogqirha, njalo njalo, size singenelwe kubulumko nakumava abo.—Yobhi 15:10; IMize. 16:31; 1 Tim. 5:1, 2.
Ingoma 116 nomthandazo wokuqukumbela.
IVEKI EQALA NGOSEPTEMBA 17
8 imiz: Izaziso zasekuhlaleni. Ingxelo yemali nezaziso zokwamkelwa kweminikelo. Lincome ibandla ngenkxaso yalo kwiNgxowa-mali yoMbutho yeeHolo zoBukumkani neminikelo yomsebenzi woBukumkani.—IMize. 3:9.
20 imiz: “Kuphaphele Ukuqalisa Izifundo ZeBhayibhile.” Ingxubusho yemibuzo neempendulo. Nikela inkcazelo ngenani lezifundo ibandla eliziqhubayo. Kwisiqendu 5, bonisa indlela isifundo esinokuqaliswa ngayo kutyelelo lokuqala. Qalisa umboniso ngomninimzi ebonisa umdla ongephi kodwa esamkela ngovuyo iphecana elithi Ubomi Kwihlabathi Elitsha Elinoxolo. Umvakalisi uqwalasela isiqendu esinye okanye ezibini kwiphecana aze abeke ixesha elingqalileyo aya kubuyela ngalo. Ngokulandelayo, bonisa indlela engqalileyo yokuqalisa incoko, usebenzisa enye kwiintshayelelo ezikwincwadi ethi Ukuqiqa, iphepha 11, phantsi komxholo othi “Isifundo SeBhayibhile Sekhaya.” Gqabaza ngendlela ukunikela ubungqina ngamarhatya okuvulela amathuba abanzi ngayo okuqalisa izifundo neentsapho ziphela, ekubeni amadoda ngokuqhelekileyo esekhaya ngelo thuba.
17 imiz: “Xa Ufundisa, Fikelela Intliziyo.” Intetho exubusha iingongoma ezine eziphambili kwiMboniselo kaMatshi 15, 1985, iphepha 27-31. Bancede abaphulaphuli baqonde imfuneko yokuqhuba izifundo zeBhayibhile ezinenkqubela. Kwakhona, yenza amagqabaza ngexesha esinokuyeka ngalo ukuqhuba izifundo ezingenankqubela.
Ingoma 121 nomthandazo wokuqukumbela.
IVEKI EQALA NGOSEPTEMBA 24
10 imiz: Izaziso zasekuhlaleni. Khuthaza umsebenzi wamaphephancwadi wangoMgqibelo. Yenza imiboniso emibini emifutshane, omnye apho kuboniswe umdla, omnye apho umninimzi engabonisi mdla kumaphephancwadi kodwa ekuvuma ukufunda iphecana. Incoko isenokuvulela ithuba lokuthetha ngesifundo seBhayibhile sekhaya sesisa.
20 imiz: “Ukuxabisa Oovulindlela Abakunye Nathi.” Umveleli wenkonzo uxubusha inkcazelo noovulindlela ababini okanye abathathu. Babuze oovulindlela ukuba baye babakhuthaza njani abanye, yaye mabagqabaze ngoko kuye kwabakhuthaza ngokukhethekileyo ekuhlaleni. Lincome ibandla ngokuxhasa kwalo oovulindlela.
15 imiz: Iimfuno zasekuhlaleni. Okanye umveleli owongamelayo usingatha ingxubusho ethi “Imibuzo Evela Kubafundi” kwiMboniselo kaOktobha 15, 1983, iphepha 29-30, “Sinokubanceda njani abo ebandleni lethu banesalamane esisusiweyo kubudlelane?”
Ingoma 62 nomthandazo wokuqukumbela.