Iindaba Ezingokobuthixo

EBotswana: IKomiti Yokwakha Yenqila yasePietersburg ihambe umgama omde yaya kusebenza kwisakhiwo esakhiwe ngokukhawuleza eFrancistown, eBotswana. Loo Holo yoBukumkani yongezelelwe kwikhaya labavangeli basemazweni elilapho. Abazalwana beKomiti Yokwakha Yenqila YaseBotswana bancede abasebenzi bokuzithandela abavela kwinqila yasePietersburg. Le holo iza kunikezelwa ekuqaleni kukaOktobha.

EMzantsi Afrika: Amabandla amahlanu avuyiswe kukunikezelwa kweeHolo zawo zoBukumkani ezintsha. YiPiet Retief kumazantsi eTransvaal, iNdwedwe North eNatal, iHeilbron eFreyistata, iPankop ngakumntla wePitoli neCape Town Central.

NgoSeptemba 4 abanye abafundi abali-11 baseMzantsi Afrika nabamazwe aselumelwaneni baphumelele kwiSikolo Sokuqeqesha Abalungiseleli eZambia. Ekupheleni kwalo nyaka, siya kube sinabafundi abangama-29 abasuka kwintsimi yethu abaphumelele kwesi sikolo ukususela ekuqalisweni kwaso ngo-Oktobha 1993.

ESwazini: Kwakhiwe iHolo YoBukumkani eMbabane, ikomkhulu laseSwazini. Le yiholo yokuqala kule dolophu yaye isetyenziswa ngamabandla amabini. Esi sakhiwo sakhiwe ngokukhawuleza besinyanyekelwa yiKomiti Yokwakha Yenqila yaseWitwatersrand, incediswa ngabazalwana baseSwazini. Amakhulu abaSebenzi Bokuzithandela Bokwakha IiHolo ZoBukumkani abanobuchule baseReef nasePitoli bagaleleka eMbabane baza basigqiba eso sakhiwo sikhulu ngeentsukwana ezimbalwa. KwaManzini, enye idolophu enkulu yaseSwazini, kwakhiwa iHolo yoBukumkani.