Ukuzuza Kwiintetho Zesidlangalala
1 Imbali yale mihla yamaNgqina kaYehova ichazwa ngokuchanileyo ngamazwi akwiMizekeliso 4:18 athi: “Umendo wamalungisa unjengokukhanya okuqaqambileyo okuya kukhanya ngokukhanya de kube semini emaqanda.”
2 Ngokuvisisana naloo mazwi, ibandla lamaKristu liyaqhubeka lifumana ingcaciso efike ngexesha elililo nenkcazelo ehlaziyiweyo yeemfundiso zeBhayibhile. (Mat. 24:45-47) Kusenokwenzeka ukuba unemizekelo oye wayiphawula ukususela oko wanxulumana namaNgqina kaYehova. Iintlanganiso zebandla, kuquka neentetho zesidlangalala, ziyasinceda sihambisane nokukhanya kwenyaniso okuya kukhanya ngokukhanya.
3 lintetho Ezintsha Nazihlaziyweyo: Kutshanje, iofisi yesebe iye yathumela iintetho zesidlangalala ezintsha eziliqela. Ezinye zezi ntetho ziye zahlaziywa kwaza kwafakelwa umbandela omtsha, yaye kwacaciswa iingongoma ezibalulekileyo. Ukuze ibandla lingenelwe ngokupheleleyo kule nkcazelo ihlaziyi-weyo, abazalwana abanikela iintetho zesidlangalala bafanele basebenzise intetho zakutshanje kuphela.
4 Ukuze singenelwe nangakumbi kwezi ntetho zesidlangalala, simele sicingisise ngemixholo yeentetho eziza kunikelwa. Ngaphambi kokuba uye kwiNtlanganiso Yesidlangalala nganye, zama ukukhumbula inkcazelo yakutshanje evela kwiincwadi zobuthixo ephathelele loo mbandela. Wandule ke, xa uphulaphule, cinga ngendlela eza kuphuhliswa ngayo loo nkcazelo. Phawula naziphi na iindlela ezintsha zokuchaza ezi nyaniso onokuzisebenzisa kwixa elizayo. Oku kuya kukuqinisekisa ukuba uzuza kangangoko kwiintetho zesidlangalala ezihla-ziyiweyo.
5 lintetho Zesidlangalala Zifanela Zifundise Zize Zikhuthaze Abaphulaphuli: UYesu wayeziflkelela iintliziyo zabaphulaphuli bakhe xa ethetha. Ekupheleni kweNtshumayelo kaYesu yaseNtabeni, eyona ntetho yesidlangalala idumileyo, njengoko uMateyu 7:28 esitsho: “Zathi khamnqa izihlwele yindlela yakhe yokufundisa.”
6 Ecinga ngomzekelo kaYesu, amaqumrhu abadala afanele asebenzise ukuqonda xa eza kumisela izithethi zesidlangalala, abele kuphela abazalwana abafundisa kakuhle, abaya kunamathela ngokusondeleyo kulwandlalo, naba-kwaziyo ukuthimba ingqalelo yabaphulaphuli. Abazalwana abanikwe ilungelo lokunikela iintetho zesidlangalala bafanele baqhubeke bezabalazela ukuphucula ubuchule babo bokuthetha, bamkele nasiphi na isiluleko namacebiso avela ku-badala. Ukuba umdala akasakufanelekeli ukunikela iintetho zesidlangalala, loo nto ifanele ixutyushwe kunye naye ngobubele.
7 Njengoko kwaxelwa kwangaphambili kuIsaya 65:13, 14, inkqubela yokomoya yabantu bakaThixo iyaqhubeka ibonakala. Ilungiselelo leentetho zesidlangalala liyenye yeendlela ‘esifundiswa ngayo nguYehova.’—Isa. 54:13.