Iintlanganiso Zenkonzo KaMeyi
Iveki Eqala NgoMeyi 6
10 imiz: Izaziso zasekuhlaleni. Iindaba Ezingokobuthixo. IZaziso ezikhethiweyo kuBulungiseleli Bethu BoBukumkani.
15 imiz: “Zinikele Ngomphefumlo Uphela!” Imibuzo neempendulo. Ukuba ixesha liyavuma, hlolisisa IMboniselo kaJuni 1, 1982, iphepha 24 kwindawo ethi “Iingongoma Emazixutyushwe Njengentsapho.”
20 imiz: “Thetha Inyaniso Kummelwane Wakho.” Imibuzo neempendulo. Hlolisisa iintshumayelo ezicetyisiweyo. Khuthaza abasebatsha babe nesabelo ekusasazeni amaphephancwadi, besebenzisa iintshumayelo ezimfutshane ekuqaliseni incoko. Yiba nemiboniso emibini equka ukuxutyushwa kwendawo ethi “Injongo YeMboniselo” ekwiphepha 2.
Ingoma 148 nomthandazo wokuqukumbela.
Iveki Eqala NgoMeyi 13
10 imiz: Izaziso zasekuhlaleni. Ingxelo yemali.
20 imiz: “Asizange Sibe Zizityebi Kangaka Ngokomoya!” Imibuzo neempendulo. Yiba nabavakalisi ababini okanye abathathu, kuquka okwishumi elivisayo, mabakhankanye ezinye zeentsikelelo abaye banazo. Qukumbela ngokubonisa indlela ukuba noxabiso olukhulu okufanele kusishukumisele ngayo ukusebenza ngenzondelelo kwinkonzo engcwele.
15 imiz: Iimfuno zasekuhlaleni. Okanye intetho ngumdala esekelwe kwiMboniselo kaDisemba 15, 1992, iphepha 21-3 ethi “Kutheni Kulula Kangaka Ukuxoka?”
Ingoma 193 nomthandazo wokuqukumbela.
Iveki Eqala NgoMeyi 20
10 imiz: Izaziso zasekuhlaleni. Bakhuthaze bonke babe nesabelo ekusasazeni amaphephancwadi.
20 imiz: “Qhubeka Uthetha Inyaniso.” Bethelela imfuneko yokubuyela, ngenjongo yokuqalisa izifundo. Nikelani imirhumo kwabo bakuthandayo ukufunda IMboniselo noVukani! Yiba nemiboniso emibini emifutshane.
15 imiz: “Ngaba Uxakeke Kakhulu?” Imibuzo neempendulo. Ukuba ixesha liyavuma, quka amagqabaza akuVukani! kaJuni 8, 1990, iphepha 29-30. Yiba nomvakalisi omnye okanye ababini babalise oko bakwenzayo ukuze bahlangabezane ngokunempumelelo nocwangciso lobuthixo olubagcina bexakekile.
Ingoma 28 nomthandazo wokuqukumbela.
Iveki Eqala NgoMeyi 27
5 imiz: Izaziso zasekuhlaleni. Khumbuza abavakalisi bafake ingxelo yenkonzo yasentsimini kaMeyi ngokukhawuleza.
15 imiz: Ukuhambisa Incwadi Ethi Ulwazi Olukhokelela Kubomi Obungunaphakade NgoJuni. Okokuqala umveleli wenkonzo uxubusha ngesizathu sokupapashwa kwale ncwadi ithi Ulwazi. Wandula ke ahlolisise ezinye zeembalasane zayo kunye nabavakalisi abafanelekayo ababini okanye abathathu. Le ncwadi iphendula imibuzo engekamva lethu, ukubandezeleka koluntu, uBukumkani bukaThixo, ihambo yobuthixo, ubomi bentsapho neengenelo zomthandazo. Abantu ababini abahlukeneyo kweli qela benza umboniso ngentshayelelo enokusetyenziswa ekuqaliseni isifundo enoba kukutyelelo lokuqala okanye kukwibuyelo. Wandula ke umveleli wenkonzo agubungele ezi ngongoma zilandelayo. Kufuneka kuqhutywe izifundo zeBhayibhile ezinempumelelo ngexeshana nje elifutshane. Le ncwadi yenzelwa loo njongo ngokukhethekileyo. Inikela inyaniso ngendlela ekhuthazayo nechanileyo. Imibuzo yayo kwisiqendu ngasinye, nasekupheleni kwesahluko ngasinye, isinceda sinikele ingqalelo kwiingongoma eziziintloko. Le ncwadi inayo nemibuzo ebuzwa kwabo basandul’ ukuzahlulela banqwenela ukubhaptizwa. Bakhuthaze bonke bashumayele benosukelo lokuqalisa izifundo ngoJuni.
10 imiz: Isingxobo Semibuzo. Sifunde uze usixubushe nabaphulaphuli.
15 imiz: Buyela Veki Nganye. Ingxubusho ekhuthazayo ngumveleli wenkonzo okanye omnye umdala obuyela rhoqo. Uninzi lwabaveleli besiphaluka luye lwavakalisa inkxalabo lusithi bambalwa kakhulu abazalwana ababuyelayo. Injani le meko kwelenu ibandla? Chaza amanani. Nyanga zonke Ubulungiseleli Bethu BoBukumkani buba nenqaku elingale nkalo ibalulekileyo yobulungiseleli bethu. Ngaba niyawasebenzisa la macebiso? Kwakhona kuye kwaphawulwa ukuba bambalwa abaqhubi bezifundo zencwadi ababa nomdla wokuqinisekisa ukuba abavakalisi eqeleni ababuyeli nje kuphela kodwa bayawasebenzisa namacebiso akwiphepha elingasemva kuBulungiseleli Bethu BoBukumkani. Bakhuthaze bonke bakuphaphele ngakumbi ukubuyela, benenjongo yokuchitha malunga nesiqingatha sexesha lethu lenkonzo yasentsimini kumsebenzi wokubuyela. Ukuba ixesha liyavuma, hlolisisa inkcazelo ekwiphepha 88-9, kwincwadi ethi Ubulungiseleli Bethu.
Ingoma 155 nomthandazo wokuqukumbela.