Izaziso
◼ Umnikelo woncwadi ngoAgasti: Naziphi na kwezi ncwadana zilandelayo zinemifanekiso ezinamaphepha angama-32 ngomnikelo we-R1,00 inye: Bunandiphe Ubomi Emhlabeni Ngonaphakade!, Iyintoni Injongo Yobomi—Unokuyifumana Njani?, Ngaba Ngokwenene UThixo Usikhathalele?, Ngaba Ufanele Ukholelwe KuBathathu Emnye?, Urhulumente Oya Kuzisa IParadisi, “Uyabona, Izinto Zonke Ndizenza Ntsha,” nethi Xa Umntu Omthandayo Esifa. Xa kufanelekile, isenokuhanjiswa nencwadana enemifanekiso ethi Imimoya Yabafileyo—Ngaba Inokukunceda Okanye Inokukwenzakalisa? Ngaba Ikho Ngokwenene? NgoSeptemba: Unokuphila Ngonaphakade KwiParadisi Esemhlabeni ngomnikelo wee-R8,00 enkulu okanye ngee-R4,00 encinane. Amabandla anencwadi ethi Ukwenza Ubomi Bentsapho Yakho Bonwabe esitokhweni asenokuyihambisa nale ncwadi. Ngo-Oktobha: Umrhumo wonyaka kaVukani! okanye IMboniselo ngeposi ngomnikelo wee-R38,00 kwiinkupho zakabini ngenyanga. Umrhumo wonyaka kwinkupho zakanye ngenyanga okanye umrhumo weenyanga ezintandathu kwiinkupho zakabini ngenyanga zii-R19,00. Imirhumo yeqela zii-R24,00 nee-R12,00 ngokwala maxesha angasentla. Yenza umgudu okhethekileyo wokuhambisa imibhalo yamaphephancwadi xa umrhumo ungamkelwa. NgoNovemba: Ulwazi Olukhokelela Kubomi Obungunaphakade ngomnikelo wee-R3,50. Kuya kwenziwa umgudu okhethekileyo wokubuyela kubo bonke esibahambisele yona, ngenjongo yokuqalisa izifundo zeBhayibhile.
◼ Ukususela ngoAgasti 30, 1996, ukusa kuAgasti 31, 1996, uMbutho uza kube ubala lonke uncwadi olukhoyo eBheteli. Ngenxa yolu balo, akuyi kubakho ziodolo zamabandla ziya kulungiselelwa ukuthuthwa okanye ukuza kulandwa ngezi ntsuku.
◼ Ibandla ngalinye liya kufumana iifomu ezintathu ezithi Ukuma Kweencwadi (S-AB-18). Unobhala webandla ufanele adibane nalowo unyamekela uncwadi ekuqaleni kuka-Agasti aze amise umhla wokubala isitokhwe soncwadi lwebandla ekupheleni kwenyanga. Lonke uncwadi olusesitokhweni lumele lubalwe ngokoqobo, zize izimbuku zifakwe kwifomu ethi Ukuma Kweencwadi. Inani lamaphephancwadi akhoyo linokufunyanwa kulowo unyamekela amaphephancwadi. Ncedani nithumele eyokuqala kuMbutho ngaphambi kukaSeptemba 6. Gcinani umbhalo wekhabhoni kwiifayile zenu. Umbhalo wesithathu usenokusetyenziswa njengeninokuqala kuwo ukubhala. Olu balo lufanele longanyelwe ngunobhala, ize ifomu ezalisiweyo ihlolwe ngumveleli owongamelayo. Le fomu ifanele ityobelwe ngunobhala nomveleli owongamelayo.
◼ Kufanele kuodolwe amaqweqwe eebheji zendibano yesithili yowe-1996 yaye imali yawo iya kuqukwa kwityala loncwadi lwebandla ngexabiso leesenti ezisibhozo lilinye. Amabandla angenatyala kuMbutho okanye anetyala elijingayo kwityala lawo loncwadi afanele athumele ikheshi neodolo. Ncedani niwaodole ngezixa zama-20 ukuba kunokwenzeka. La maqweqwe eebheji afumaneka ngesiBhulu, ngesiNgesi, ngesiPedi, ngesiPhuthukezi, ngesiSuthu, ngesiTswana, ngesiXhosa nangesiZulu. (Ncedani niphawule ukuba ngoku okwesihlandlo sokuqala ayafumaneka nangesiTswana nesiPedi.) Thumelani iodolo yenu nisebenzisa ifomu ethi Literature Order (S-AB-14). Ezi odolo zifanele zifike kuMbutho ngaphambi kukaNovemba 1, 1996. Emva koko, asiyi kuzamkela iiodolo zezi bheji.
◼ Abavakalisi abaceba ukuqalisa kwinkonzo yobuvulindlela obuthe ngxi ngoSeptemba 1, 1996, bafanele bafake izicelo ngokukhawuleza.
◼ Unobhala webandla uya kudibanisa ingxelo yenkonzo yebandla ukuze ifakwe kwifomu yeNgxelo Yohlahlelo Lwebandla (S-AB-10). Kwakhona uya kufundisa ngenyameko nawuphi na umdala okanye isicaka solungiselelo esisenokuba siyancedisa ekudibaniseni ingxelo. Oku kuya kuqinisekisa ukuba idweliswa ngokuchanileyo inkcazelo efunekayo evela kumaqweqwe eNgxelo Yomvakalisi Webandla (S-21). Ifomu yeNgxelo Yohlahlelo Lwebandla (S-AB-10) ifanele izaliswe kakuhle nangokucocekileyo ize ihlolwe ngenyameko yikomiti yenkonzo.
◼ Amabandla akhunjuzwa ukuba aodole isixa esaneleyo seefomu ukwenzela unyaka wenkonzo we-1997. Ezi fomu akufanele kudlalwe ngazo; zifanele zisetyenziselwe injongo yazo kuphela.