Impinda YeSikolo Sobulungiseleli Sobuthixo

Impinda zivaliwe iincwadi kumbandela ogutyungelwe kwizabelo zeSikolo Sobulungiseleli Sobuthixo ngeveki kaMeyi 6 kuse kweka-Agasti 19, 1996. Sebenzisa iphepha elahlukileyo ukuphendula imibuzo emininzi kangangoko unako ngexesha elimiselweyo.

[Phawula: Ebudeni bexesha lempinda ebhalwayo, kunokusetyenziswa iBhayibhile kuphela ekuphenduleni nawuphi na umbuzo. Iimbekiselo ezilandela imibuzo zilungiselelwe ukuba wenze uphando lobuqu. Iinombolo zamaphepha nezeziqendu zisenokungabonakali kuzo zonke iimbekiselo zeMboniselo.]

Phendula nganye kwezi nkcazelo zilandelayo ngokuthi Yinyaniso okanye Bubuxoki:

1. Enoba sinokunikela ngezinto ezininzi okanye ezimbalwa, kuyavumelana neZibhalo ukucela ngokunyaniseka ilungelo lokunceda abazalwana bethu abathembekileyo abangamaKristu abazifumana beswele izinto zobomi. (2 Kor. 8:1-4) [jv-XO iphe. 314 isiqe. 1]

2. ‘UGogi wakwaMagogi’ ufanekisela oorhulumente beli hlabathi. (Hez. 38:2) [Ufundo lweBhayibhile lweeveki ngeeveki; bona w91-XO 8/15 iphe. 27 isiqe. 2.]

3. Kanye njengokuba uNtente-yakhe wayengudade boNtente-yam-kuye omdala, njengoko bechazwe kuHezekile isahluko 23, ngoko ubuRoma Katolika bungudade wobuProtestanti omdala, yaye zombini ezi ntlangano ziye zazingcolisa ngokukrexeza ngokomoya namagunya ezorhwebo nawezobupolitika eli hlabathi. [Ufundo lweBhayibhile lweeveki ngeeveki; bona w89-XO 4/1 iphe. 30.]

4. AmaNgqina kaYehova aye anda kangangokuba maninzi kunabemi bamazwe athile amaninzi. [jv-XO iphe. 278 isiqe. 2]

5. Njengentloko-ntsapho indoda ifanele ithotyelwe ngumkayo xa ichasa unqulo lokwenyaniso. [td-XO 25B]

6. UYakobi 4:17 noHezekile 33:7-9 bayavisisana, ekubeni bebonisa ukuba lulwazi loko kufunwa nguThixo kuthi olusenza sibe nokuziphendulela kuye. [Ufundo lweBhayibhile lweeveki ngeeveki; bona w93-XO 4/1 iphe. 7 isiqe. 1.]

7. UDaniyeli wazingqina engumprofeti wokwenyaniso ngokuchaza intsingiselo yomfanekiso oqingqiweyo wephupha emva kokuba uKumkani uNebhukadenetsare emchazele ngalo. [Ufundo lweBhayibhile lweeveki ngeeveki; bona uDaniyeli 2:7-9, 26.]

8. Amanzi awayequkuqela ephuma etempileni kumbono ochazwe kuHezekile 47:1 afuzisela amandla acocayo obhaptizo. [Ufundo lweBhayibhile lweeveki ngeeveki; bona w88-XO 9/15 iphe. 27 isiqe. 20.]

9. Kunokuba ikamva labantu limiselwe kusengaphambili, sinikwe ukhetho lokukhonza uYehova okanye lokungamkhonzi. (Yoh. 3:16) [td-XO 19A]

10. Kuyinto engafanelekanga ukugweba iimfundiso zonqulo lobuxoki. (Mat. 23:15, 23, 24; 15:4-9, 14) [td-XO 28B]

Phendula le mibuzo ilandelayo:

11. UCharles Taze Russell wabonisa ngaziphi iindlela ukuba uyawathobela amazwi kaYesu aphathelele ukufuna uBukumkani kuqala? (Mat. 6:33) [jv-XO iphe. 284 isiqe. 1]

12. Iindibano zamaNgqina kaYehova zinikela buphi ubungqina obungenakukhanyelwa? [jv-XO iphe. 254 isiqe. 2, 3]

13. AmaNgqina kaYehova athanjisiweyo nezinxulumani zawo amele amxelise ngayiphi indlela uHezekile? (Hez. 11:25) [Ufundo lweBhayibhile lweeveki ngeeveki; bona w88-XO 9/15 iphe. 16 isiqe. 3.]

14. Kwakutheni ukuze zipheliswe iintlanganiso ezahlukileyo zabantu abaselula ebandleni ngowe-1938? [jv-XO iphe. 246 isiqe. 2]

15. Sisiphi isiqinisekiso esinaso sokuba bonke abo bakumangcwaba enkumbulo baya kuvuswa? [td-XO 40A]

16. Lithetha ukuthini igama likaThixo elithi, Yehova? [kl-XO iphe. 25 isiqe. 7]

17. Xa umKristu wokwenyaniso eswele, ngoobani abanembopheleleko eyintloko yokumnceda, ibe sisiphi iSibhalo esixhasa impendulo yakho? [jv-XO iphe. 305 isiqe. 1]

18. Yintoni efunekayo ukuze imithandazo yethu iviwe nguThixo? [td-XO 37A]

19. Nguwuphi umprofeti owathetha ngomhlaba ‘njengosisazinge,’ yaye kubhalwe phi oku eZibhalweni? [kl-XO iphe. 17 isiqe. 14]

20. Kuthetha ukuthini ngokwenene ukufuna uBukumkani kuqala? [jv-XO iphe. 295 isiqe. 1]

Fakela igama (amagama) okanye ibinzana elifunekayo ukuze ugqibezele inkcazelo nganye kwezi zilandelayo:

21. Njengenzaliseko kaHezekile 21:26, ubukumkani ‘obuphakamileyo’ bakwa․․․․․․․․ ‘bathotywa’ ngokutshatyalaliswa ngowama-․․․․․․․․, nezikumkani ‘ezithotyiweyo’ zee ․․․․․․․․ ‘zaphakanyiswa,’ nto leyo eyazinika ithuba lokulawula umhlaba ngaphandle kokungenelela ․․․․․․․․ bukaThixo bokomfuziselo. [Ufundo lweBhayibhile lweeveki ngeeveki; bona w88-XO 9/15 iphe. 19 isiqe. 16.]

22. Inxalenye yencwadi ka ․․․․․․․․ yi ․․․․․․․․ eyabhalwa kwangaphambili, itsalela ingqalelo kusukuzwano lwamagunya amakhulu ukutyhubela iinkulungwane. [si-XO iphe. 138 isiqe. 1]

23. Ibinzana elithi “umkhonzi wam uDavide” kuHezekile 34:23 labhalwa kudala ngemva kokufa kuka ․․․․․․․․; liyinkcazelo engokwesiprofeto yaye libhekisela ku ․․․․․․․․. [si-XO iphe. 137 isiqe. 31]

24. Phakathi kukaJanuwari 1946 noAgasti 1948, abantu bakaYehova banikela ․․․․․․․․ ne․․․․․․․․ ukwenzela amaNgqina awayehlala ubuncinane kumazwe ali-18 awayedlakazwe yi․․․․․․․․. [jv-XO iphe. 308 isiqe. 3, 4]

25. Ngowe-1931 kwathatyathwa amanyathelo abalulekileyo ekukhuleni ngokomoya xa sathi samkela igama elithi ․․․․․․․․, xa kwafaniswa ․․․․․․․․ ngowe-1935, xa kwakhululwa i․․․․․․․․ ngowe-1950 nangowe-1962 xa kwathi kwalungiswa ulwazi lwethu ․․․․․․․․. [jv-XO iphe. 260 isiqe. 3–iphe. 264 isiqe. 1]

Khetha impendulo echanileyo kwinkcazelo nganye kwezi zilandelayo:

26. UYehova ulungelelanisa ngokugqibeleleyo uphawu (lwenceba nomsindo; lothando nokusesikweni; lothando nobubele) ngaloo ndlela akabakhuseli aboni abaqaqadekileyo kwimiphumo yezenzo zabo eziphosakeleyo. [kl-XO iphe. 28 isiqe. 17]

27. Ikamva lomhlaba noluntu linokushwankathelwa ngegama elinye, (uvuko; intlawulelo; iparadisi). [kl-XO iphe. 8 isiqe. 8]

28. UIsaya waprofeta kwiminyaka enokuba (ngama-200; ngama-500; ngama-800) ngaphambi kokuba uKoreshi asoyise isixeko (saseYerusalem; saseBhabhiloni; saseNineve). [kl-XO iphe. 18 isiqe. 17]

29. Igama likaThixo elikhethekileyo libonakala izihlandlo eziphantse zibe (li-1900; ngama-7000; ngama-300) kwiZibhalo zesiHebhere kuphela, ngaphezu kwaso nasiphi na esinye isibizo sakhe. [kl-XO iphe. 24 isiqe. 5]

30. Ukuwa kweBhabhiloni kwaxelwa kwangaphambili (nguDaniyeli noHoseya; nguYoweli noAmosi; nguIsaya noYeremiya). [kl-XO iphe. 18 isiqe. 17]

Ngqinelanisa ezi zibhalo zilandelayo neenkcazelo ezidweliswe ngezantsi:

INdu. 22:7, 8, 18; INdu. 78:40, 41; Isa. 55:10, 11; Dan. 1:8, 11-13; 1 Kor. 9:16

31. Ukuze ibalaselise ukubaluleka komsebenzi wokushumayela, IMboniselo yowe-1949 yathi: “UYehova wenze ukushumayela kwangowona msebenzi ubalulekileyo nabani na kuthi anokuwenza kweli hlabathi.” [jv-XO iphe. 292 isiqe. 4]

32. AmaKristu aselula akafanele abe mathidala ekubachazeleni ngentlonelo abasemagunyeni nabo afunda nabo ukuba akanako ukuphikisana nezazela zawo zobuthixo. [Ufundo lweBhayibhile lweeveki ngeeveki; bona w92-XO 11/1 iphe. 14 isiqe. 17.]

33. Injongo kaThixo yantlandlolo ngoluntu nangomhlaba iza kuzalisekiswa. [kl-XO iphe. 9 isiqe. 10]

34. UYesu waphathwa kakubi waza waphangwa impahla yakhe ngaphambi kokufa kwakhe. [kl-XO iphe. 19 isiqe. 19]

35. UThixo uneemvakalelo, yaye ukhetho esilwenzayo luyamchaphazela. [kl-XO iphe. 14 isiqe. 8]