Izaziso

◼ Umnikelo woncwadi ngoSeptemba: Unokuphila Ngonaphakade KwiParadisi Esemhlabeni ngomnikelo wee-R8,00 enkulu nee-R4,00 encinane. Okanye, ethi Ukwenza Ubomi Bentsapho Yakho Bonwabe ngomnikelo wee-R3,50. Ngo-Oktobha: Umrhumo wonyaka kaVukani! okanye IMboniselo ngeposi ngomnikelo wee-R38,00 kwiinkupho zakabini ngenyanga. Umrhumo wonyaka kwiinkupho zakanye ngenyanga okanye umrhumo weenyanga ezintandathu kwiinkupho zakabini ngenyanga zii-R19,00. Imirhumo yeqela zii-R24,00 nee-R12,00 ngokwala maxesha angasentla. Yenza umgudu okhethekileyo wokuhambisa imibhalo yamaphephancwadi xa umrhumo ungamkelwa. NgoNovemba: Ulwazi Olukhokelela Kubomi Obungunaphakade ngomnikelo wee-R3,50. Kuya kwenziwa umgudu okhethekileyo wokubuyela kubo bonke esibahambisele yona, ngenjongo yokuqalisa izifundo zeBhayibhile. NgoDisemba: INguqulelo Yehlabathi Elitsha YeZibhalo ZamaKristu ZesiGrike kunye nencwadi ethi IBhayibhile—Ngaba Ililizwi LikaThixo Okanye Lomntu? ngomnikelo wee-R9,10.

◼ Umveleli owongamelayo okanye uthile owabelwe nguye ufanele ahlolisise ingxelo yemali yebandla ngoSeptemba 1 okanye ngokukhawuleza kangangoko kunokwenzeka emva koko. Yenza isaziso ebandleni xa oku kwenziwe.

◼ Abavakalisi abaceba ukukhonza njengoovulindlela abangabancedani ngo-Oktobha bafanele bazifake kwangethuba izicelo zabo. Oku kuya kwenza abadala benze amalungiselelo afunekayo ukwenzela amaphephancwadi, uncwadi nentsimi.

◼ Kukhunjuzwa abadala ukuba benze ngokuvisisana nemiyalelo enikelwe kwiphepha 21-3 leMboniselo ka-Aprili 15, 1991, ngokuphathelele nabaphi na abantu abasusiweyo kubudlelane okanye abazahluleyo abasenokuba bafuna ukubuyiselwa.

◼ NgoMgqibelo, ngo-Oktobha 12, 1996, iKhaya laseBheteli nomzi-mveliso ziza kuvalwa ukuze zicocwe, ngoko akuyi kubakho malungiselelo okhenketho.

◼ Kukhunjuzwa ONKE AMABANDLA ancede aodole amaqweqwe eAdvance Medical Directive/Release kunye neeIdentity Card ngokukhawuleza kangangoko kunokwenzeka kwifomu eyiLiterature Order (S-AB-14). Amabandla angavulanga tyala loncwadi kuMbutho okanye anetyala elijingayo kwityala lawo loncwadi afanele athumele ikheshi neodolo. Amaqweqwe emedical directive aziisenti ezilishumi lilinye zize ii-Identity Card zona zibe ziisenti ezisibhozo inye. Ncedani niwaodole ngezixa zama-20 ukuba kunokwenzeka. Musani ukuwakhupha la maqweqwe, kunoko wagcineni nide nifumane ulwalathiso olubhekele phaya kuMbutho.

◼ Amabandla afanele aqalise ukuodola IKhalenda YamaNgqina KaYehova Yowe-1997 kunye neodolo yawo yoncwadi kaSeptemba. Iikhalenda ziya kufumaneka ngesiBhulu, isiFrentshi, isiGrike, isiJamani, isiNgesi, isiPhuthukezi, isiSuthu, isiTaliyane, isiXhosa nesiZulu. Ezi zizinto zesitokhwe esiqingqiweyo. Amabandla angavulanga tyala loncwadi kuMbutho afanele athumele imali neodolo.

◼ IiCompact Disc Ezintsha Ezifumanekayo:

Watchtower Library—1995 Edition (ibandla, uwonke wonke noovulindlela: R45,00)—NgesiNgesi

◼ Iikhasethi Ezintsha Zevidiyo Ezifumanekayo:

Knowledge That Leads to Everlasting Life (UMqulu 2 nowesi-3; ibandla nowonke wonke: R52,00; oovulindlela: R45,00)—NgesiNgesi Ukwenzela Abangevayo

◼ NCEDANI NIPHAWULE: Imihla kunye neendawo ezintsha zezi ndibano zesithili zilandelayo yile:

Disemba 13-15: EGaborone (isiNgesi, isiTswana) EGermiston (isiNgesi, iNtetho Yezandla, isiPhuthukezi) ERhawutini (isiBhulu)

Disemba 20-22: ESoshanguve (isiPedi/isiSuthu/isiTswana) ESoweto (isiSuthu)

Disemba 27-29: EMamelodi (isiZulu) ESoweto (isiZulu)