Iindaba Ezingokobuthixo

EMzantsi Afrika: Ucwangciso lokwakhiwa kweeHolo zoBukumkani luqalise kakuhle kunyaka wenkonzo we-1998. Ebudeni beenyanga ezimbini zokuqala, kuye kwanikezelwa iiHolo zoBukumkani ezintandathu: eBapong (eBrits), e-Edendale East (eMgungundlovu), eGopane (eZeerust), eInadi (eGreytown), eMataleng (eBarkly West) naseMolepolole (eBotswana). Kwenziwa amalungiselelo okunikezela ezinye iiholo ezili-12.

UMbutho uthanda ukunincoma ngeminikelo yesisa eniyenza inyanga ngenyanga kwiNgxowa-mali Yokwakhiwa KweeHolo ZoBukumkani. Oko kuye kwabangela ukuba ikhule gqitha le ngxowa-mali. KwiiHolo zoBukumkani ezingama-31 eziye zanikezelwa ukususela ngoJulayi 1996, iBrooklyn iye yanceda ngemali-mboleko yezimbini kuphela; zonke ezinye iimali-mboleko ziye zagutyungelwa yiminikelo yenu. Ekubeni isenkulu imfuneko yeeHolo zoBukumkani, ngokukodwa emaphandleni, siyanikhuthaza ukuba niqhubeke ninikela kule ngxowa-mali.