Iindaba Ezingokobuthixo

EAngola: NgoDisemba kufikelelwe incopho entsha yabavakalisi abangama-35 034.

EBangladesh: INdibano YeSithili “Yokuba Nokholo KwiLizwi LikaThixo” eqhutywe eDacca iye yanengxelo yoziwo lwabali-142, kwaza kwabhaptizwa abali-14. Elo nani laliphindaphinda ngaphezu kwezihlandlo ezibini inani labantu abakha babhaptizwa ngexesha elinye eBangladesh.

EBenin: Isimbuku soziwo longcelele lweeNdibano ZeSithili “Zokuba Nokholo KwiLizwi LikaThixo” siye saya kutsho kwi-15 633, kwaza kwabhaptizwa abangama-403. Ingxelo kaDisemba isibonisa incopho entsha yabavakalisi abangama-5 351.

ELiberia: NgoDisemba kuqhutywe indibano ebiluncuthu maZangwa eMonrovia, yaye bekukho abangama-5 158. Kuloo nyanga kuye kwabikwa incopho entsha yabavakalisi abangama-2 127.

EMadagascar: NgoDisemba ku-​ye kwafikelelwa ulwando lwabavakalisi abali-11 ekhulwini ngaphezu komlinganiselo wanyakenye, yaye bangama-9 226 ababe nesabelo kwinkonzo yasentsimini.

EMzantsi Afrika: Ekupheleni kukaJanuwari nasebutsheni bukaFebruwari, kwintsimi yesebe lethu kuqhutywe iiklasi ezingama-23 zeSikolo Sobulungiseleli SoBukumkani sabadala nezicaka zolungiselelo. Isimbuku sabadala abangama-4 883 bebekho kwiiklasi zangoLwesihlanu nangoMgqibelo ukanti bekukho izicaka zolungiselelo ezingama-3 893 kwiiklasi zangeCawa.