Ucwangciso Lwentlanganiso Yenkonzo
PHAWULA: UBulungiseleli Bethu BoBukumkani buza kulungiselela iNtlanganiso Yenkonzo yeveki nganye kaNovemba nekaDisemba. Amabandla asenokwenza uhlengahlengiso oluyimfuneko olunokuwavumela aye kwiNdibano YeSithili ‘Yabenzi Belizwi LikaThixo’ aze kwiveki elandelayo abe nemizuzu engama-30 yempinda yeembalasane zocwangciso kwiNtlanganiso Yenkonzo esemva kwendibano. Impinda yosuku ngalunye yocwangciso lwendibano yesithili ifanele yabelwe kwangaphambili abazalwana abathathu abafanelekayo abaya kukwazi ukubalaselisa iingongoma eziphambili. Le mpinda elungiselelwe kakuhle iya kulinceda ibandla likhumbule iingongoma eziphambili elinokuzisebenzisa kulo nasentsimini. Amagqabaza namava abaliswa ngabaphulaphuli afanele abe mafutshane aze angqale.
Iveki Eqala NgoNovemba 13
10 imiz: Izaziso zasekuhlaleni. IZaziso Ezikhethiweyo kuBulungiseleli Bethu BoBukumkani. Iindaba Ezingokobuthixo.
13 imiz: Isingxobo Semibuzo. Intetho ngumdala.
22 imiz: “Ukuhlakulela Umdla Ovuselelwe Yi-Kingdom News No. 36.” Ingxubusho yemibuzo neempendulo yesiqendu 1-5. Chaza amalungiselelo asekuhlaleni okugubungela nawuphi na umhlaba ongekasetyenzwa. Hlolisisa iintshumayelo zokwenza amabuyelo ezikwisiqendu 7 nesesi-8, uze wenze umboniso ngecebiso ngalinye. Bethelela ukubaluleka kokuba kulandelwe wonke umntu onomdla yaye kuzatyalazelwe ukuqhutywa kwezifundo zeBhayibhile. Qukumbela ngokuxubusha isiqendu 9 nezibhalo ezibonisiweyo.
Ingoma 63 nomthandazo wokuqukumbela.
Iveki Eqala NgoNovemba 20
10 imiz: Izaziso zasekuhlaleni. Ingxelo yemali.
15 imiz: Amava Ngokusasazwa kweKingdom News No. 36. Nikela ingxelo ngenkqubela eyenziwe kumhlaba ongabelwanga bani. Ngaba bakho nabaphi na ebandleni ababeqala ukuba nesabelo enkonzweni? Balisa amagqabaza akhuthazayo enziwe ngabaninimzi. Ngaba bakho abavakalisi abaye bakwazi ukuqalisa izifundo zeBhayibhile? Ukuba kunjalo, mabachaze okanye baphinde indlela abakwenza ngayo oko. Bakhuthaze bonke ukuba bahlakulele umdla ofunyenweyo.
20 imiz: “Qhubeka Ushumayela!” Intetho nodliwano-ndlebe. Abanye bebenxulumene nentlangano kaYehova yaye baye bazingisa kumsebenzi wokushumayela ubomi babo bonke. Ngenxa yesimo sengqondo esivumayo, baye bafumana uvuyo ekwenzeni oko. (Bona incwadi ethi Ulwazi, iphepha 179, isiqendu 20, neMboniselo kaMeyi 1, 1992, iphepha 21-2, isiqendu 14-15.) Cela umvakalisi obekhuthele iminyaka emininzi achaze izizathu zokuba eye wazingisa kumsebenzi wokushumayela.
Ingoma 141 nomthandazo wokuqukumbela.
Iveki Eqala NgoNovemba 27
10 imiz: Izaziso zasekuhlaleni. Khumbuza abavakalisi ukuba bangenise ingxelo yenkonzo yasentsimini kaNovemba. Umnikelo woncwadi ngoDisemba yincwadi ethi Ulwazi neNguqulelo Yehlabathi Elitsha. Chaza indlela aye amaNgqina kaYehova anendima ephambili ngayo ekuveliseni iBhayibhile ngeelwimi ezininzi.—Bona IMboniselo ka-Oktobha 15, 1997, iphepha 11-12.
20 imiz: Yisebenzise kakuhle incwadi ethi Ukuqiqa. Ingxubusho yemibuzo neempendulo kwiphepha 7-8. Bonisa indlela eyilwe ngayo le ncwadi ukuze isincede silungele ukuba nenxaxheba ngakumbi kubulungiseleli. Chaza indlela enokusetyenziswa ngayo le ncwadi xa kunikelwa ubungqina ngomnxeba. Yenza umboniso ngendlela yokufumana inkcazelo eluncedo ukuze uphendule umbuzo. Babongoze bonke ukuba baqhelane nale ncwadi, bayifake kwingxowa yabo yokunikela ubungqina, baze bayisebenzise rhoqo.
15 imiz: Ndingayilawula Njani Imikhwa Yam Yokubukela Umabonwakude? Umdala uthetha nomzalwana oselula ochitha iiyure ezininzi ngemini ebukele umabonwakude. Ekuqaleni, lo mzalwana umi ngelithi akunabungozi oku. Uthi luhlobo nje oluthile lokuzihlaziya yaye alumenzakalisi. Lo mdala uhlolisisa iingongoma eziziintloko kwisahluko 36 kwincwadi ethi Imibuzo Yabantu Abaselula. Umchazela ukuba ukubukela umabonwakude ngokugqithiseleyo kutya ixesha elibalulekileyo ebelinokusetyenziselwa isifundo sobuqu, ubulungiseleli okanye ancedise kwiimfuno zebandla. Lo mzalwana uselula uyasibulela esi siluleko yaye uthi ukuze angenelwe ngokomoya, uza kuyitshintsha imikhwa yakhe yokubukela umabonwakude.
Ingoma 175 nomthandazo wokuqukumbela.
Iveki Eqala NgoDisemba 4
10 imiz: Izaziso zasekuhlaleni. Bancome bonke abaye banesabelo kwiphulo lomhlaba ongabelwanga bani. Xubusha ingxelo ngomsebenzi oye wenziwa uze ubalise nawaphi na amava abangel’ umdla.
15 imiz: Iimfuno zasekuhlaleni.
20 imiz: “Ilizwi Elithethwe Ngexesha Elifanelekileyo.” Ingxubusho nabaphulaphuli nemiboniso. Abaninzi bavakalelwa kukuba abakwazi ukuqalisa incoko, ngokuphosakeleyo bacinga ukuba kufuneka babe nobuchule obukhethekileyo ukuze bakwazi ukufumana imiphumo emihle. Chaza indlela sonke, kuquka abavakalisi abasebatsha nabaselula, esinokuqalisa ngayo iingxubusho ngomgudu nje ongephi. Hlolisisa iintshumayelo ezicetyisiweyo, ubalaselise ukuba lula kwazo, uze ube nabavakalisi ababini okanye abathathu abenza umboniso ngazo. Bhekisela kuBulungiseleli Bethu BoBukumkani bukaMatshi 1998, iphepha 8, ngeentshumayelo ezingakumbi ezinokusetyenziswa. Babongoze bonke ukuba babe nesimo sengqondo esifanelekileyo ukuze bakwazi ukufumana uvuyo olungakumbi kubulungiseleli.
Ingoma 218 nomthandazo wokuqukumbela.