Ucwangciso Lwentlanganiso Yenkonzo
Iveki Eqala NgoMatshi 12
10 imiz: Izaziso zasekuhlaleni. IZaziso Ezikhethiweyo kuBulungiseleli Bethu BoBukumkani.
15 imiz: Iimfuno zasekuhlaleni.
20 imiz: “UAprili—Lixesha ‘Lokuba Sisebenze Nzima Yaye Sizibhokoxe.’” (Isiqendu 1-13) Mayisingathwe ngumveleli owongamelayo. Ingxubusho enehlombe ngoko sifuna ukukufeza ngoAprili. Khuthaza ukuba wonke ubani ebandleni azibekele usukelo lokuba nenxaxheba kubulungiseleli ngaloo nyanga.
Ingoma 147 nomthandazo wokuqukumbela.
Iveki Eqala NgoMatshi 19
8 imiz: Izaziso zasekuhlaleni. Ingxelo yemali.
15 imiz: “Nceda Abanye Beze Ezintlanganisweni.”a Isihlomelo soBulungiseleli Bethu BoBukumkani bukaJuni 1996, isiqendu 14-16, sinikela amacebiso awongezelelekileyo okwalathisela izifundo zeBhayibhile entlanganweni. Bonisa indlela incwadana enemifanekiso ethi Okufunwa NguThixo (isifundo 5, isiqendu 7) nencwadi ethi Ulwazi (isahluko 5, isiqendu 22) ezinokusetyenziswa ngayo kwasekuqaleni ukunceda isifundo size ezintlanganisweni. Ukuzekelisa , yiba nomboniso olungiselelwe kakuhle ngumvakalisi onobuchule okhuthaza isifundo ngokufudumeleyo ukuba sicinge nzulu ngokuza ezintlanganisweni.
22 imiz: “UAprili—Lixesha ‘Lokuba Sisebenze Nzima Yaye Sizibhokoxe.’” (Isiqendu 14-30) Mayisingathwe ngumveleli wenkonzo. Intetho neenxalenye ezithile zemibuzo neempendulo. Wonke ubani ufanele enze ucwangciso olusebenzisekayo ukuze abe nesabelo kangangoko kunokwenzeka kubulungiseleli ngoAprili. Chaza onke amalungiselelo eentlanganiso zenkonzo yasentsimini acetyelwe le nyanga. Khuthaza bonke abanokuba ngoovulindlela abangabancedani ukuba bazifumanele izicelo emva kwentlanganiso.
Ingoma 188 nomthandazo wokuqukumbela.
Iveki Eqala NgoMatshi 26
10 imiz: Izaziso zasekuhlaleni. Chaza ukuba ixesha alimkanga kangangokuba asinakufakwa isicelo sobuvulindlela bobuncedani ngoAprili. Bakhuthaze bonke ukuba balandele ucwangciso lweSikhumbuzo lokufundwa kweBhayibhile ngoAprili 3-8 njengokuba luchazwe kwincwadana ethi Ukuhlolisisa IZibhalo Imihla Ngemihla—2001. Yazisa ixesha esiya kuqhutywa ngalo iSifundo seMboniselo seveki yeSikhumbuzo. Ungayilibali intetho ekhethekileyo yesidlangalala kule Cawa, ngoAprili 1, enomxholo othi “Ngubani Onokusindiswa?” Bongoza wonke ubani ukuba abe nesabelo kubulungiseleli ngolo suku, ukuze aqaliswe kakuhle uAprili.
20 imiz: “Sonke Masizukise UYehova NoNyana Wakhe.” Intetho engokweZibhalo ekhuthazayo enikelwa ngumdala. Khuthaza wonke ubani ukuba abe nesabelo ngokuzeleyo kangangoko kunokwenzeka kulo msebenzi ukhethekileyo ucetyelwe uAprili size sizibhokoxe ngakumbi ekumemeni abantu beze eSikhumbuzweni.
15 imiz: Ukulungiselela Iintshumayelo Zethu Zokuhambisa Amaphephancwadi. Siza kuhambisa IMboniselo noVukani! ngoAprili. Hlolisisa iphepha 8, isiqendu 3 nese-10, kuBulungiseleli Bethu BoBukumkani bukaOktobha 1996. Balaselisa (1) inqaku elithile, (2) ingongoma efanelekileyo onokuthetha ngayo, (3) umbuzo ovusa umdla (4) nesibhalo esifanelekileyo esinokusetyenziswa ngokunempumelelo ekushumayeleni ngalo ngalinye lamaphephancwadi akutshanje. Zama ukusebenzisa incwadana enemifanekiso ethi Okufunwa NguThixo okanye incwadi ethi Ulwazi ukuze kuqaliswe izifundo zeBhayibhile nabantu abanomdla. Qukumbela ngomboniso olungiselelwe kakuhle obonisa indlela okunokwenziwa ngayo oku kwakutyelelo lokuqala.
Ingoma 207 nomthandazo wokuqukumbela.
Iveki Eqala NgoAprili 2
9 imiz: Izaziso zasekuhlaleni. Khumbuza abavakalisi ukuba bangenise ingxelo yenkonzo yasentsimini kaMatshi. Hlolisisa “Okumele Kukhunjulwe NgeSikhumbuzo.”
18 imiz: “Uthando Lusishukumisela Ukuba Sishumayele.”b Balaselisa izibhalo ezikweli nqaku. Quka iingongoma ezikwi-Insight, uMqulu 2, iphepha 673, isiqendu 1. Mema umvakalisi obekhuthele iminyaka emininzi ukuba achaze indlela ukuthanda uThixo okuye kwamkhuthaza ngayo ukuba azingise kumsebenzi wokushumayela. Bongoza bonke abavakalisi ukuba babe nesabelo kumsebenzi wokushumayela ngoAprili nasemva koko.
18 imiz: Yisebenzise kakuhle Incwadi Yonyaka Yowama-2001. Intetho nengxubusho nabaphulaphuli. Hlola “Isimbuku Esikhulu Sowama-2000,” kwiphepha 31. Xubusha “Ileta Evela KwiQumrhu Elilawulayo,” ekwiphepha 3-5. Yiba nabaphulaphuli abathile ababalisa ingxelo okanye amava avela kwiNcwadi Yonyaka abe lukhuthazo ngokukhethekileyo aze omeleza ukholo lwabo. Khuthaza iintsapho ukuba ziyifunde kunye yonke Incwadi Yonyaka, kanye njengokuba intsapho yaseBheteli isenza ehlabathini lonke ebudeni bonyaka. Balaselisa imibuzo ekwiphepha 255, enokusetyenziselwa ukwenza impinda yoko kufundiweyo. Cela amacebiso ngendlela yokusebenzisa Incwadi Yonyaka ukuze kuncedwe izifundo zeBhayibhile ziyiqonde ngakumbi intlangano kaYehova nelungelo lokuba yinxalenye yayo.
Ingoma 47 nomthandazo wokuqukumbela.
[Imibhalo esemazantsi]
a Yenza intshayelelo emfutshane engaphantsi komzuzu, uze ulandelise ngengxubusho yemibuzo neempendulo.
b Yenza intshayelelo emfutshane engaphantsi komzuzu, uze ulandelise ngengxubusho yemibuzo neempendulo.