Izaziso
◼ NgoAgasti kuza kuhanjiswa nayiphi na kwezi ncwadana zinemifanekiso zinamaphepha angama-32 zilandelayo: Bunandiphe Ubomi Emhlabeni Ngonaphakade!, Igama LikaThixo Eliya Kuhlala Likho Ngonaphakade, Iyintoni Injongo Yobomi?—Unokuyifumana Njani?, Kwenzeka Ntoni Kuthi Xa Sisifa?, Ngaba Ngokwenene UThixo Usikhathalele?, Ngaba Ufanele Ukholelwe KuBathathu Emnye?, Urhulumente Oya Kuzisa IParadisi, “Uyabona, Izinto Zonke Ndizenza Ntsha,” nethi Xa Umntu Omthandayo Esifa. Incwadana enemifanekiso ethi Incwadi Yabantu Bonke, A Satisfying Life—How to Attain It, Imimoya Yabafileyo—Ngaba Inokukunceda Okanye Inokukwenzakalisa? Ngaba Ikho Ngokwenene? zinokuhanjiswa xa kufanelekile. NgoSeptemba: Ulwazi Olukhokelela Kubomi Obungunaphakade. Ngo-Oktobha: Iphephancwadi IMboniselo noVukani! Ukuba umninimzi unomdla, mnike incwadana enemifanekiso ethi Okufunwa NguThixo, uze uzame ngandlela zonke ukuqalisa izifundo zeBhayibhile.
◼ Ukususela ngeveki eqala ngo-Oktobha 20, 2003, siza kufunda incwadi ethi Nqula Okuphela KoThixo Oyinyaniso kwiSifundo Sencwadi Sebandla.
◼ Umveleli owongamelayo okanye othile owabelwe nguye ufanele ahlolisise ingxelo yemali yebandla kaSeptemba 1 okanye ngokukhawuleza kangangoko kunokwenzeka emva koko. Akuba ekwenzile oku, makwenziwe isaziso ebandleni yakuba ingxelo elandelayo yemali ifundiwe.
◼ Ubalo lwaminyaka le loncwadi namaphephancwadi akhoyo lufanele lwenziwe ngoAgasti 31, 2003 okanye kufuphi nelo xesha. Olu balo luyafana nolo lwenziwa nyanga nganye ngumveleli woncwadi, yaye izimbuku zifanele zifakwe kwifomu ethi Ukubalwa Koncwadi (S-18). Inani elisisimbuku samaphephancwadi akhoyo linokufunyanwa kwisicaka samaphephancwadi. Unobhala webandla elongamelayo ufanele ongamele olu balo. Yena nomveleli owongamelayo webandla elivelelayo baya kutyobela ifomu. Ibandla ngalinye elivelelayo liza kufumana ifomu ezintathu ezithi Ukubalwa Koncwadi (S-18). Ncedani nithumele eyokuqala kwiofisi yesebe ngaphambi kukaSeptemba 6. Eyesibini yigcineni kwiifayile zenu. Eyesithathu ninokubala kuyo.
◼ Ukususela ngowama-25 ukusa kowama-30 kuAgasti 2003, kuza kube kubalwa lonke uncwadi olukhoyo eBheteli. Ngenxa yoku, alukho uncwadi oluya kuthunyelwa emabandleni ngezo ntsuku.
◼ Ncedani niphawule ukuba ukususela ngoku inombolo yefax yeSebe Loncwadi itshintshile ngu (011) 761-1380. Noko ke, siyanikhuthaza nonke ukuba nithumele izicelo zenu zoncwadi ngelori okanye ngeposi.
◼ Amabandla afanele aqalise ukuodola amaqweqwe eebheji zendibano yesithili yowama-2003 kwisicelo sawo soncwadi lukaSeptemba. La maqweqwe aza kufumaneka ngesiNgesi, ngesiPhuthukezi, ngesiSuthu, ngesiXhosa nangesiZulu kuphela. Afanele aodolwe ngezixa zama-20. Iiodolo ezingxamisekileyo aziyi kwamkeleka, ngoko ezona zisemva zifanele ziodolwe noncwadi lukaOktobha.
◼ Amabandla afanele aqalise kwangoku ukuodola amaqweqwe endibano yezizwe ngezizwe yowama-2003 nesicelo soncwadi sikaSeptemba. La maqweqwe aza kufumaneka ngesiNgesi kuphela. Afanele adolwe ngesixa sama-20. Iidolo ezingxamisekileyo aziyi kwamkeleka, ngoko ezona zisemva zifanele ziodolwe noncwadi lukaOktobha.