Amacebiso Okuhambisa Incwadana Ethi Ngaba Ngokwenene UThixo Usikhathalele?
Emva kokukhankanya isiganeko esibuhlungu esingundaba-mlonyeni, usenokuthi:
“Ngaba wakha wazibuza isizathu sokuba uThixo avumele ukuba sibandezeleke xa ngokwenene esikhathalele? [Mvumele aphendule.] Le ncwadana inemifanekiso iza kuwuphendula loo mbuzo yaye ibonisa oko uThixo aza kukwenza kungekudala. [Mbonise imifanekiso ekwiphepha 27, uze ufunde INdumiso 145:16 ekwisiqendu 22.] UThixo uza kukuphelisa njani ukubandezeleka abantu abaye bajamelana nako? Ndingathanda ukuwuphendula lo mbuzo xa ndiphinda ndikutyelela.” Mshiyele le ncwadana uze wenze amalungiselelo okuphinda ubuye.
Xa ubuyela, usenokuthi:
“Xa ndandilapha kwixesha elidluleyo, safunda esi sibhalo. [Funda okanye ucaphule INdumiso 145:16.] Ndandula ndabuza umbuzo othi: UThixo uza kukuphelisa njani ukubandezeleka abantu abaye bajamelana nako?” Mcele eze neyakhe incwadana. Wandule uvule kwiphepha 27-8, nize nifunde isiqendu 23-5. Cela ukumqhubela isifundo seBhayibhile, okanye yenza amalungiselelo okufunda isiqendu 26-7 xa uphinda ubuyela.
Umvakalisi okwishumi elivisayo unokuthi:
“Abantu abaninzi abalingana nam baxhalabele imeko yehlabathi kwiminyaka eli-10 okanye eli-15 ezayo. Ucinga ukuba buya kube bunjani ubomi ngelo xesha? [Mvumele aphendule.] Iingxaki esizibonayo namhlanje zibonisa ukuba siphila kwimihla yokugqibela. [Funda eyesi-2 kuTimoti 3:1-3.] Le ncwadana iphendula le mibuzo ilandelayo. [Funda imibuzo ekwiphepha elingaphandle, uze umshiyele le ncwadana.] Xa ndibuya, ukuba unalo ixesha, ndingathanda ukukuxelela ngokupheliswa kokugula nokwaluphala.” Yenza amalungiselelo okubuyela.
Xa ubuyela, unokuthi:
“Ukugqibelana kwethu, ndathi ndifuna ukukuxelela ngokupheliswa kokugula nokwaluphala. Loo nto ndiyifumene apha.” Mcele eze neyakhe incwadana. Nandule nifunde yaye nixubushe isiqendu 6-7 kwiphepha 23-4. Yenza amalungiselelo okuxubusha isiqendu 8-9 xa ubuyela.
Xa esebenza nomntwana, umntu omdala unokuzazisa yena naloo mntwana aze athi:
“Ukuba uyavuma, u____________ angathanda ukukufundela isibhalo. [Loo mntwana ufunda INdumiso 37:29 aze agqabaze ngokufutshane.] Le ncwadana ixubusha ngendlela uThixo aza kuyizalisekisa ngayo injongo yakhe ngoluntu nomhlaba. [Mbonise imifanekiso ekwiphepha 24-7.] Xa sibuya kwakhona, ndingathanda ukukubonisa ithemba elihle lovuko eliseBhayibhileni.” Mhambisele incwadana, uze wenze amalungiselelo okubuyela.
Xa ebuyela, umntu omdala unokuthi:
“Kwixa elidluleyo, sifunde INdumiso 37:29 ndaza ndathi ndifuna ukukubonisa oko iBhayibhile ikuthethayo ngovuko. Phawula oko kuthethwa apha.” Mcele eze neyakhe incwadana. Wandule ufunde isiqendu 12-14 kwiphepha 24-5. Cela ukumqhubela isifundo seBhayibhile, okanye uthi uza kuxubusha isiqendu 15-16 xa ubuya.