Sigcine
Amacebiso Okuhambisa Iincwadana Ezinemifanekiso
Kwesi sihlomelo kunikelwe amacebiso ahlukahlukeneyo ukuze akuncede ulungiselele iintshumayelo xa uhambisa iincwadana ezinemifanekiso. Zinokusetyenziswa ngokuvumelana neemeko zasekuhlaleni. Kusenokusetyenziswa nezinye iintshumayelo. Iintshumayelo zeencwadana ezingekhoyo kwesi sihlomelo zinokulungiselelwa kusetyenziswa iintshumayelo ezicetyisiweyo njengomzekelo.—Bona UBulungiseleli Bethu BoBukumkani bukaJanuwari 2005, iphe. 8.
Cebiso ngalinye kweli phepha liquka (1) umbuzo obangela umntu acinge ukuze uqalise incoko, (2) indawo apho oko uthetha ngako kufumaneka khona kwincwadana (3) nesibhalo esifanelekileyo esinokufundwa ebudeni bengxubusho. Unokuyigqibezela ngamazwi akho inxalenye yaloo ncoko, ngokwendlela loo mntu asabela ngayo.
Incwadi Yabantu Bonke
“Ngaba ucinga ukuba iBhayibhile iqulethe amacebiso asebenzayo kumhla wethu?”—iphe. 22, umbhalo ongasentla; iphe. 23, isiqe. 3 sebhokisi; IMize. 25:11.
Bunandiphe Ubomi Emhlabeni Ngonaphakade!
“Abantu abaninzi bacinga ukuba bafanele baye ezulwini ukuze banandiphe ubomi obungunaphakade, kodwa ucinga ntoni ngokuphila ngonaphakade emhlabeni?”—Umfanekiso okwiqweqwe; ISityhi. 21:4.
Ngaba Ufanele Ukholelwe KuBathathu Emnye?
“Abantu baneembono ezahlukahlukeneyo ngoko uThixo akuko. Ngaba ucinga ukuba kubalulekile oko sikukholelwayo?”—iphe. 3, isiqe. 3, 7-8; Yoh. 17:3.
Igama LikaThixo Eliya Kuhlala Likho Ngonaphakade
“Inkoliso yethu iyawazi umthandazo oqala ngolu hlobo ‘Bawo wethu osemazulwini, malingcwaliswe igama lakho.’ (Mat. 6:9) Kodwa ubusazi ukuba ukusinda kwethu kuxhomekeke ekwazini elo gama?”—iphe. 28, isiqe. 1; Roma 10:13.
Urhulumente Oya Kuzisa IParadisi
“Abantu abaninzi basinqwenela ngamandla isicombululo kwiingxaki esijamelana nazo namhlanje. Ngaba ucinga ukuba uya kuze abekho urhulumente oya kukwazi ukucombulula ezo ngxaki?”—iphe. 3, isiqe. 1; Mat. 6:9, 10.
Kwenzeka Ntoni Kuthi Xa Sisifa?
“Xa abantu esibathandayo besifa, kuqhelekile ukuzibuza apho bakhoyo yaye enoba siya kuphinda sibabone kusini na. Ngaba wakha wazibuza umbuzo onjalo?”—Imibuzo ekwiqweqwe elingasemva; Yobhi 14:14, 15.
Xa Umntu Omthandayo Esifa
“Namhlanje sihambisa le ncwadana eye yathuthuzela yaza yashiya izigidi zabantu abaye bafelwa ngabantu ababathandayo zinethemba. Ngaba wakha wazibuza ngethemba labo bafileyo?”—iphe. 27, isiqe. 3; Yoh. 5:28, 29.
“Ngaba wakha wazibuza ukuba unokumthuthuzela njani umntu ofelweyo?”—iphe. 20, isiqe. 1; IMize. 17:17.