Iincwadana Ezinemifanekiso Ezilungiselelwe Abantu Abangekho Kunqulo LobuKristu
Lasting Peace and Happiness—How to Find Them
Xa ushumayela kumfundi ongumTshayina usenokuthi:
“Ndifumanise ukuba abafundi baxhalabele into efanayo, bonke bafuna uxolo nolonwabo. Ucinga ukuba ibalulekile loo nto? [Mlinde aphendule.] Ubungayi kuvuya xa ubona la mazwi awathethwa mandulo ezaliseka?” Funda INdumiso 37:11, uze uhambise le ncwadana inemifanekiso.—km-XO 2/98 iphe. 5.
“Uyabona! Izinto Zonke Ndizenza Ntsha”
Kumntu omdala ongumBhuda usenokuthi:
“Mhlawumbi iimbono ezikhoyo nezonakalisayo kwanemiphumo ezinayo kubantwana bethu zikuxhalabise njengokuba kunjalo kum. Kutheni kusiya kuthabath’ unyawo ukuziphatha okubi kwabaselula? [Mlinde aphendule.] Ubusazi ukuba oku kwaxelwa kwangaphambili kwincwadi eyabhalwa kudala ngaphambi kokuba kubekho unqulo lobuSilamsi, ubuKristu kwanobuHindu? [Funda eyesi-2 kuTimoti 3:1-3.] Phawula ukuba, nakubeni abantu beqhubeka befumana ulwazi, kodwa zona ezi zinto zihambela phambili. [Funda indinyana yesi-7.] Le mpapasho iye yandinceda ndaqonda inyaniso engaziwayo ngabantu abaninzi. Akungethandi ukuyifunda?”—km-XO 2/98 iphe. 5 isiqe. 17-20.
Our Problems—Who Will Help Us Solve Them?
Xa uthetha nomHindu oselula usenokuthi:
“Ngokungathandabuzekiyo uyakholelwa kuThixo. Ucinga ukuba iyintoni injongo kaThixo ngathi? [Mlinde aphendule. Emva koko funda iGenesis 1:28.] Kwiindawo ezininzi, umhlaba unabantu abaninzi gqitha yaye baneengxaki. Ucinga ukuba uMdali uyakulangazelela ukusinceda sicombulule iingxaki zethu?” Mlinde aphendule. Emva koko mnike le ncwadana inemifanekiso.—km-XO 9/99 iphe. 8.
The Guidance of God—Our Way to Paradise
Xa uthetha nomSilamsi usenokuthi:
“Ndikwiphulo elikhethekileyo lokuthetha namaSilamsi. Ndiyaqonda ukuba amaSilamsi akholelwa kuThixo omnye oyinyaniso nakubo bonke abaprofeti. Akunjalo? [Mlinde aphendule.] Bendingathanda ukuthetha nawe ngesiprofeto samandulo esaxela ngokuguqulwa komhlaba ube yiparadesi. Ndingakufundela oko kwabhalwa ngulo mprofeti? [Mlinde aphendule. Emva koko funda uIsaya 11:6-9.] Esi siprofeto sindenza ndicinge ngesicatshulwa esikwiKoran esifumaneka kule ncwadana inemifanekiso.” Tyhila kwiphepha 9, uze ufunde isicatshulwa esibhalwe ngqindilili. Ukuba unomdla, qhubeka nencoko ngokuxubusha isiqendu 7-9 esikwiphepha elilandelayo.—km-XO 11/99 iphe. 8.
Why Should We Worship God in Love and Truth?
Le ntshumayelo inokubangel’ umdla kumHindu onentsapho:
“Ndityelela abantu abaxhalabileyo ngemeko yobomi bentsapho kumazwe amaninzi namhlanje. Ucinga ukuba yintoni eya kunceda intsapho ihlale imanyene namhlanje? [Mlinde aphendule.] Bambi abantu bayakwazi oko kuthethwa zizibhalo zamaHindu ngentsapho, kodwa abazange baziphe ithuba lokuthelekisa oku noko kuthethwa yiBhayibhile ngalo mbandela. Bendingathanda ukwabelana nawe ngale ngcamango. [Funda eyabaseKolose 3:12-14.] Le ncwadana inemifanekiso ihlolisisa imibhalo engcwele yamaIndiya kwaneBhayibhile.” Mnike le ncwadana inemifanekiso uze ubalaselise iphepha 8-9 nelama-20 ukuya kwelama-21.—km-XO 9/99 iphe. 8.
Will There Ever Be a World Without War?
Xa ushumayela kumYuda usenokuthi:
“Inkoliso yethu iye yafelwa ngumntu emthandayo. Ucinga ukuba kwenzeka ntoni kuthi xa sisifa?” Mlinde aphendule. Yandula ke walathise umninimzi kwibhokisi enomxholo othi “Ukufa Nomphefumlo—Ziintoni Ezo Zinto?” kwiphepha 22 lale ncwadana inemifanekiso. Funda isiqendu 17 kwiphepha 23, esithetha ngovuko. Mxelele ukuba usolusapho uYobhi wayenethemba lovuko. Mnike le ncwadana inemifanekiso, uze ucele ukubuyela ukuze nixubushe izibhalo ezicatshulwe ekupheleni kwesiqendu 17.—km-XO 10/99 iphe. 12.