IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 3/12 iphe. 2
  • Shumayela Kwintsimi Yamashishini Ngaphandle Koloyiko

No video available for this selection.

Sorry, there was an error loading the video.

  • Shumayela Kwintsimi Yamashishini Ngaphandle Koloyiko
  • Ubulungiseleli Bethu BoBukumkani—2012
  • Amanqaku Afanayo
  • Ukuphucula Ubuchule Bethu Bokushumayela—Ukushumayela Kwintsimi Yamashishini
    Ubulungiseleli Bethu BoBukumkani—2015
  • Indlela Yokushumayela Kwintsimi Yamashishini
    Ubulungiseleli Bethu BoBukumkani—2004
  • Shumayela Iindaba Ezilungileyo Kuzo Zonke Iindawo
    Ubulungiseleli Bethu BoBukumkani—1996
  • Iindlela Ezintsha Zokushumayela
    Ubulungiseleli Bethu BoBukumkani—2013
Khangela Okunye
Ubulungiseleli Bethu BoBukumkani—2012
km 3/12 iphe. 2

Shumayela Kwintsimi Yamashishini Ngaphandle Koloyiko

1. Kutheni singafanele siphelelwe lithemba ukuba siyoyika ukushumayela kummandla wamashishini?

1 Ngaba uye woyike xa ucinga ngokushumayela kummandla wamashishini? Ukuba kunjalo ungaphelelwa lithemba, kaloku noPawulos owayengumshumayeli onenkalipho nongoyiki nto kwafuneka ‘enze umzamo omkhulu’ ukuze ashumayele. (1 Tes. 2:2) Apha ngezantsi siza kuthetha ngezinto ezinokusenza sibe mathidala, nendlela yokujamelana nazo.

2. Kutheni singafanele sizixhalabise ngokuphazamisa abasebenzi?

2 Ngaba Abasebenzi Baza Kucaphuka Xa Ubaphazamisa? Kumashishini amaninzi kusetyenzwa ngabantu, ngoko kuyinto eqhelekileyo ukuphazanyiswa. Abantu abasebenza kuwo badla ngokuba nobubele kuba becinga ukuba uze kuthenga. Xa unxibe ngokundilisekileyo uze ubonise ubuhlobo nobubele, abasebenzi bamashishini baya kukuphatha ngesidima.

3. Singakuphepha njani ukuphazamisa abathengi?

3 Ngaba Kuza Kufuneka Ndishumayele Phambi Kwabathengi Abaninzi? Ukuba kunokwenzeka, khetha amaxesha axa kungaphithizeli kakhulu ezivenkileni, njengakusasa xa kusandul’ ukuvulwa. Ngaphambi kokuba uye kumphathi okanye umabhalana, linda abe yedwa. Qiniseka ukuba ubetha koomofu.

4. Sifanele sithini xa sisebenza ummandla wamashishini?

4 Ndifanele Ndithini? Ukuba kukho abasebenzi abaliqela, thetha nalowo uphetheyo. Usenokuthi: “Kunzima ukufumana abasebenzi emakhayeni abo, ngoko sibandwendwela emsebenzini. Ndiyazi ukuba uxakekile, ngoko ndiza kubetha koomofu.” Ukuze kungacingwa ukuba siyathengisa, kuhle ukungathethi ngelungiselelo leminikelo ngaphandle kokuba sibuzwa indlela oxhaswa ngawo umsebenzi wethu. Usenokucela kumphathi ukuthetha nabanye abasebenzi, kakade ke, oko kuya kuxhomekeka kuhlobo loshishino oluqhutywa apho. Usenokuphinda uthethe oko ubukuthethe kumphathi. Ukuba abasebenzi babonakala bexakekile, betha koomofu uze ubashiyele amaphecana. Ukuba awukwazi ukuthetha nabasebenzi mhlawumbi usenokuvunyelwa ushiye uncwadi kwindawo abaphumla kuyo.

5. Kutheni sifanele singoyiki ukushumayela kwintsimi yamashishini?

5 UYesu noPawulos babeshumayela kwiindawo zoshishino ngaphandle koloyiko, nawe ungakwazi. (Mat. 4:18-21; 9:9; IZe. 17:17) Cela uYehova akuncede ukwazi ukuzola uze ukhaliphe. (IZe. 4:29) Ambalwa amashishini angabi nabantu, ngoko kutheni ungakhe uzame ukushumayela kule ntsimi ichumileyo?

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share