Buyela Ngokukhawuleza

Emva kokuba iWebhsayithi yethu yenziwe ngokutsha, ziye zanda izicelo zabantu abacela ukufundelwa kwi-intanethi. Kuye kwakho izicelo ezingakumbi nangenxa yendlela entsha yokushumayela kwiindawo zikawonke-wonke. I-ofisi yesebe iziqwalasela ngokukhawuleza ezi zicelo. Ngokomzekelo, ukuba isicelo sifakwe kwi-jw.org, abadala bentsimi yaloo mntu unomdla badla ngokusithunyelelwa yiofisi yesebe emva nje kweentsuku ezimbini. Noko ke, iingxelo ezivela entsimini zibonisa ukuba abanye abaye bafaka izicelo zokuqhutyelwa isifundo seBhayibhile akukhange kuqhagamshelwane nabo iiveki eziliqela. Sinokuqinisekisa njani ukuba bayancedwa ngaphambi kokuba baphelelwe ngumdla?—Marko 4:14, 15.

Ukuba umntu ongahlali kwintsimi yenu unomdla, zalisa ngokukhawuleza ifomu ethi Nceda Ubuyele (S-43) uze uyinike unobhala kwiintlanganiso ezilandelayo. Kungekapheli usuku okanye iintsuku ezimbini, unobhala ufanele le nkcazelo ayithumele kwibandla elifanelekileyo okanye esebeni esebenzisa indawo ethi Congregation ekwi-jw.org. Abadala bafanele bayihlole rhoqo iWebhsayithi. Ukuba bafumana umyalezo othi kukho umntu onomdla, bafanele bawulandele ngokukhawuleza. Namphi na umvakalisi oceliweyo ukuba abuyele kuloo mntu ufanele abuyele ngokukhawuleza. Ukuba umntu akakho ekhaya, mhlawumbi unokumshiyela umyalezo neenkcukacha zakho.