Iintshayelelo Onokuzisebenzisa

IMboniselo Agasti 1

“Sityelela abamelwane bethu ukuze sibancede kwingxaki exhaphakileyo. Enye yezona zinto zibuhlungu ezisehlelayo kukufa komntu esimthandayo. Awuvumi? [Mlinde aphendule.] Khawuve esi sithembiso sikhuthazayo siseBhayibhileni. [Funda ISityhilelo 21:3, 4.] IBhayibhile ithembisa ukuba ngenye imini abantu bethu abafileyo baza kuvuswa. Le magazini ichaza indlela ekuza kwenzeka ngayo oku.”

Vukani! Agasti

“Sibonisa abamelwane bethu inqaku elixubusha ngendlela engaqhelekanga eninzi ngayo inkcazelo ekwiiseli zethu. [Mbonise iphepha elingaphandle likaVukani!] Abantu abaninzi bacinga ukuba ubomi bazivelela, ngoxa abanye bevakalelwa kukuba badalwa. Ucinga ntoni wena? [Mlinde aphendule.] Le magazini ibalaselisa izinto eziye zafunyanwa ngendlela ezintsonkothe ngayo iiseli, nto leyo ebangele ukuba abanye oososayensi bazibuze enoba ubomi bunoMyili kusini na.”

Iindaba Ezilungileyo Ezivela KuThixo!

“Sityelele iintsapho kwesi sitrato sakho ukuze sithethe nazo ngeemfundiso zeBhayibhile ezakhayo. Ezininzi esiye sathetha nazo ziyabuza ukuba kutheni uThixo oluthando evumela iintlungu ezingaka ehlabathini. Ngaba ucinga yayiyinjongo kaThixo ukuba kwenzeke izinto ezibuhlungu emhlabeni?” Mlinde aphendule. Tyhila kwiSifundo 5, funda uze uxubushe iziqendu ezibini zokuqala nezibhalo ezikekelisiweyo, uze umhambisele incwadana.