Ukuxinezeleka Kwengqondo
UNICOLE wayeziva edakumbile ngamanye amaxesha ukususela eneminyaka eli-14 ubudala. Noko ke, xa wayeneminyaka eli-16 ubudala waqalisa enye into entsha—wayesonwaba gqitha ngendlela engaqhelekanga aze adlamke kakhulu. Ingqondo yakhe yayibaleka, ethetha into engavakaliyo, ephuthelwa yaye nangona engenasizathu, wayetyhola abahlobo bakhe esithi bayamxhaphaza. Wandula ke uNicole wathi angakwazi ukuguqula imibala yezinto xa ethanda. Xa kwenzeka ezi zinto unina waqonda ukuba uNicole ufuna uncedo lukagqirha, waza wamsa esibhedlele. Emva kokuqwalasela ngenyameko ukuguquguquka kwendlela uNicole avakalelwa ngayo, ekugqibeleni oogqirha bafumanisa oku: UNicole wayenesifo esiyibipolar.a
NjengoNicole, abantu abaninzi ehlabathini lonke banengxaki yeemvakalelo—enoba sisifo esiyibipolar okanye ukudandatheka okunzulu. Imiphumo yezi zigulo inokubambi kakhulu. USteven onebipolar uthi: “Ndandixhwalekile kangangeminyaka emininzi. Ndandidandatheka kakhulu ndiphinde ndonwabe gqitha. Kwandinceda ukufumana unyango, kodwa kwakusenzima.”
Yintoni ebangela abantu bavakalelwe ngale ndlela? Unjani umntu odandathekileyo okanye onesifo esiyibipolar? Banokuxhaswa njani abo banezi zifo nabo babanyamekelayo?
[Umbhalo osemazantsi]
a Nceda uphawule ukuba ezinye zezi mpawu zisenokubangelwa sisifo ischizophrenia, ukusebenzisa kakubi iziyobisi, okanye ukuguquguquka okuqhelekileyo komntu ofikisayo. Kufanele kufikelelwe kwesi sigqibo emva kokuba ubani exilongwe ngenyameko ngugqirha ovunyiweyo.