IYerusalem Netempile Awayedla Ngokuya Kuyo UYesu
ESANDUL’ ukuzalwa uYesu, uYosefu noMariya bamsa kwisixeko apho uYise wasezulwini wayelibeke khona igama Lakhe—eYerusalem. (Luk 2:22-39) Xa wayeneminyaka eli-12 ubudala, uYesu waphinda waya ePasikeni apho. Indlela awayeziqonda ngayo izinto yabamangalisa abafundisi ababelapho etempileni. (Luk 2:41-51) Ukwakhiwa kwaloo tempile kusetyenziswa inkqubo yokwakha kaHerode Omkhulu, kwathabatha ngaphezu ‘kweminyaka engamashumi amane anesithandathu.’—Yoh 2:20.
Ebudeni bobulungiseleli bakhe, uYesu wayebakho kwimithendeleko yaseYerusalem, ibe wayedla ngokufundisa izihlwele. Wabagxotha kabini abatshintshi bemali nabarhwebi kwintendelezo yetempile.—Mat 21:12; Yoh 2:13-16.
Kumantla etempile, kwichibi laseBhethezatha, uYesu waphilisa indoda eyayigule kangangeminyaka engama-38. UNyana kaThixo waxelela indoda eyimfama ukuba iye kuhlamba kwichibi laseSilowam elikumazantsi eso sixeko yaza yabona.—Yoh 5:1-15; 9:1, 7, 11.
UYesu wayedla ngokutyelela abahlobo bakhe uLazaro, uMariya, noMarta eBhethani, ekumgama “omalunga neekhilomitha ezintathu” ngakwimpuma yeYerusalem. (Yoh 11:1, 18; 12:1-11; Luk 10:38-42; 19:29; bona “Ummandla WaseYerusalem,” kwiphepha 18.) Kwiintsukwana nje ngaphambi kokufa kwakhe, uYesu weza eYerusalem ngakwicala leNtaba yemiNquma. Yiba nombono nje wakhe ekhangela ngakwintshona yeso sixeko esililela. (Luk 19:37-44) Kusenokwenzeka ukuba wayebona oko ukubonayo kumantla ephepha elilandelayo. Wandula ke wangena eYerusalem ekhwele inkonyana le-esile, ekusenokwenzeka ukuba wangena kwelinye lamasango asempuma eso sixeko. Izihlwele zamzukisa njengoKumkani wexesha elizayo wakwaSirayeli.—Mat 21:9-12.
Iziganeko ezibalulekileyo ezandulela ukufa kukaYesu zenzeka kwiindawo eziseYerusalem nezikufutshane apho: kumyezo waseGetsemane, apho uYesu wathandaza khona; kwiholo yeSanhedrin; emzini kaKayafa; kwibhotwe leRhuluneli uPilato, naseGolgotha.—Mar 14:32, 53–15:1, 16, 22; Yoh 18:1, 13, 24, 28.
Emva kokuvuswa kwakhe, uYesu wabonakala eYerusalem nakwiindawo eziyingqongileyo. (Luk 24:1-49) Emva koko, wenyukela ezulwini ekwiNtaba yeMinquma.—IZe 1:6-12.
[Umzobo okwiphepha 31]
(Ukuba ufuna inkcazelo ehlahlelwe kakuhle, yiya kwimpapasho)
IYerusalem/Itempile KaHerode
Inkangeleko Yetempile
1. Eyona Ngcwele
2. Ingcwele
3. Isibingelelo Somnikelo Otshiswayo
4. Ulwandle Olutyhidiweyo
5. Intendelezo Yababingeleli
6. Intendelezo YamaSirayeli
7. Intendelezo Yamabhinqa
8. Intendelezo Yeentlanga
9. Umda (ISoreg)
10. Iveranda Yakomkhulu
11. Iveranda KaSolomon
ITEMPILE
Isango
Intendelezo Yababingeleli
Isango
Eyona Isibingelelo
Ngcwele Ingcwele Somnikelo Intendelezo Intendelezo
Otshiswayo YamaSirayeli Yamabhinqa
Ulwandle
Olutyhidiweyo
Isango Iveranda
Umda (ISoreg) KaSolomon
Intendelezo Yeentlanga
Isango
Iveranda Yakomkhulu
Amasango
Inqaba YaseAntoniya
Ibhulorho
Iholo YeSanhedrin?
INTLAMBO ITYROPOEON
Ichibi LaseSilowam
Umsele
Umzi KaKayafa?
Ibhotwe LeRhuluneli
IGolgotha?
IGolgotha?
Ichibi LaseBhethezatha
Umyezo WaseGetsemane?
INTABA YEMINQUMA
INTLAMBO YEKIDRON
Umthombo WaseGihon
IEn-rogele
INTLAMBO KAHINOM (IGEHENA)
[Imifanekiso ekwiphepha 30]
Ngakwimpuma yeYerusalem yale mihla: (A) ummandla wetempile, (B) umyezo waseGetsemane, (C) iNtaba yeMinquma, (D) intlango yakwaYuda, (E) uLwandle Olufileyo
[Umfanekiso okwiphepha 31]
Ngasentshona ukusuka kwiNtaba yeMinquma yomhla kaYesu