IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • lfb isifu. 50 iphe. 120-iphe. 121 isiqe.¶ 5
  • UYehova Ukhusela UYehoshafati

No video available for this selection.

Sorry, there was an error loading the video.

  • UYehova Ukhusela UYehoshafati
  • Indifundisa Ntoni IBhayibhile?
  • Amanqaku Afanayo
  • UYehoshafati Uthembela KuYehova
    Incwadi Yam Yamabali EBhayibhile
  • Yiba Nenzondelelo Ngendlu KaYehova!
    IMboniselo Evakalisa UBukumkani BukaYehova—2009
  • Ukuphunyezwa Komgwebo Entilini Yesigqibo
    IMboniselo Evakalisa UBukumkani BukaYehova
  • Izinto Ekuthethwa Ngazo Kwincwadi Yesi-2 YeziKronike
    IZibhalo Ezingcwele—INguqulelo Yehlabathi Elitsha
Khangela Okunye
Indifundisa Ntoni IBhayibhile?
lfb isifu. 50 iphe. 120-iphe. 121 isiqe.¶ 5
UKumkani uYehoshafati neemvumi zabaLevi bakhokela umkhosi ophuma eYerusalem

ISIFUNDO 50

UYehova Ukhusela UYehoshafati

Ukumkani wakwaYuda uYehoshafati, watshabalalisa izibingelelo zikaBhahali noothixo kulo lonke ilizwe. Wayefuna abantu bayazi imithetho kaYehova. Wathumela iinkosana nabaLevi ukuba bayifundise abantu bakwaYuda.

Iintlanga ezazikufutshane zazisoyika ukulwa noYuda kuba zazisazi ukuba uYehova wayekunye nabantu bakhe. Zazide ziphathele uKumkani uYehoshafati izipho. Sekunjalo amaMowabhi, ama-Amoni, nabanye ababesuka kumhlaba waseSehire beza kulwa namaYuda. UYehoshafati wayesazi ukuba baza kudinga uncedo lukaYehova. Waxelela amadoda, abafazi, nabantwana ukuba bonke baye eYerusalem. Emi phambi kwabo bonke wathandaza wathi: ‘Yehova, ngaphandle koncedo lwakho, asinakuphumelela. Nceda, sixelele ukuba senze ntoni.’

UYehova wawuphendula wathi loo mthandazo: ‘Sanukoyika. Ndiza kuninceda. Yimani ngxi, nibone indlela endiza kunikhusela ngayo.’ Wabakhusela njani?

Kwintsasa elandelayo, uYehoshafati wakhetha iimvumi wazixelela ukuba zihambe phambi komkhosi. Zasuka eYerusalem zaya kutsho kwindawo yokulwa eseTekowa.

Njengoko iimvumi zazikhwaza ziculela uYehova ngemincili, uYehova wabalwela abantu bakhe. Wabangela ukuba kubekho isiphithiphithi phakathi kwama-Amoni namaMowabhi. Balwa bodwa ibe akuzange kusinde namnye kubo. Kodwa uYehova wawakhusela amaYuda, amajoni, nababingeleli. Bonke abantu ababekumazwe akufutshane bayiva into ayenzileyo uYehova, yaye babesazi ukuba usabakhusela abantu bakhe. UYehova ubakhusela njani abantu bakhe? Ngeendlela ezininzi. Akadingi kuncedwa ngabantu.

“Akuzukufuneka nililwe eli dabi. Yimani ngeendawo zenu, nime ngxi, nize niyibone indlela uYehova aza kunisindisa ngayo.”—2 Kronike 20:17

Imibuzo: Wayengukumkani onjani uYehoshafati? UYehova wawakhusela njani amaYuda?

2 Kronike 17:1-19; 20:1-30

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share