Ungaphoswa Yindibano Yesithili “Yokukholosa NgoYehova!”
Ulindelwe ziintsuku ezintathu ezizeleyo neziza kuba yingenelo zokufundiswa ngeBhayibhile nezonxulumano oluhle lwamaKristu kwiNdibano Yesithili “Yokukholosa NgoYehova” yamaNgqina kaYehova. Ebudeni bukaDisemba 1987 noJanuwari 1988, kulungiselelwe lindibano ezlli-15 kulo lonke elaseMzantsi Afrika kuphela, ukuze kubekho ekufutshane nendawo ohlala kuyo. Ceba ukuba ubekho kucwangciso lokuvula oluqala nge-10:20 a.m. ngoLwesihlanu, uze uhlale de kuqukunjelwe ngemva kwemini yangeCawa.
Ucwangciso lokuvula luya kubalaselisa intetho efundisayo enomxholo othi “Abantu Abahluliweyo Kwihlabathi.” Emva kwemini, kuya kutsoliswa isiluleko esicacileyo nesingqalileyo kubazali kuze kulandeliswe ngolutsha. Ulutsha luya kuncedwa ukuba lukulumkele ukuphila ubomi obungabizwa ngokuba ‘bubomi obumbaxa.’ Ibe lo mbandela uya kubalaseliswa kumdlalo wanamhla oya kushukumisa iintliziyo.
Kusasa ngoMgqibelo kuya kubakho intetho engozahlulelo nobhaptizo, kuquka nemiyalelo engeendlela esinokubonisa ngazo ukuba sikholose ngoYehova, ngokuvisisana nomxholo wendibano. Intetho enomxholo othi “Ukuzala Okubonakalisa Inkathalo Kweli Xesha Lesiphelo” iya kuba yebalaseleyo kucwangciso lwasemva kwemini, oluya kuqukumbela ngongcelele lweentetho olunomxholo othi “ILizwi LikaThixo Liphilile.”
Ucwangciso lwangeCawa luya kubalaselisa intetho enomxholo othi “Licekise Ngokupheleleyo Ikhondo Elilihlazo Leli Hlabathi,” kuquka nomdlalo weBhayibhile oya kuba nabadlali abanxibe impahla yamandulo ubonisa ungxamiseko lwamaxesha ethu. Emva kwemini, intetho yesidlangalala enomxholo othi, “Kumaxesha Ethu Awoyikekayo, Ngubani Onokukholosa Ngaye Ngenene?” iya kuba yenye yeembalasane zale ndibano.
Qinisekisa kumaNgqina kaYehova asekuhlaleni ngexesha lendibano nangendawo eya kuba kuyo kufutshane nawe.