Oselula Udumisa UYehova

AMATHUBA amaninzi okunikela ubungqina avulekile kwabaselula xa benomnqweno onamandla wokukhonza uYehova. Oku kwabonwa kumava enkwenkwe eneminyaka emihlanu ubudala kwintshona Kenya.—INtshumayeli 12:1.

Unina wayibuza oku: “Ufuna ukuba yintoni xa ukhulile?” Le nkwenkwe yayibone uvulindlela okhethekileyo ebandleni ibe yaphendula yathi: “Ndifuna ukuba nguvulindlela okhethekileyo njengoMzalwan’ uF——.” Unina wayiphendula esithi: “Kodwa oku akunakwenzeka; akunakuba nguye novullndiela othe ngxi ngenxa yokuba akunaso isifundo seBhayibhile.” Le nkwenkwe yabuza: “Ndenze ntoni ke?” Unina wayicebisa ukuba izame ukufundisa abantwana edlala nabo oko kukumbhalo wayo wencwadi ethi Incwadi Yam Yamabali EBhayibhile.

Le nkwenkwana ineminyaka emihlanu ubudala yathabatha incwadi yayo Yamabali EBhayibhile yaza yahamba isiya kubahlobo bayo, ibamema ukuba bafundisise iBhayibhile nayo. Waba yintoni umphumo?

Yayila iqela labantwana abalishumi eyayinokufundisisa nabo. Yayisebenzisa kakuhle imifanekiso, iphakamisa imibuzo emininzi ephandayo, ize ibuze imibuzo yempinda ekuqukunjelweni kwesifundo. Ukuba babengakhumbuli, yayiwuphinda umbandela. Unina wathi kwakuluvuyo lokwenene ukubabona bonke aba bantwana behleli ebaleni phambi kwendlu yakhe befundisisa kunye! Unyana wakhe oneminyaka emihlanu wayelapho ebuza imibuzo, yaye zonke izandla zaziphakama zifuna ukuphendula.

Kwakuluvuyo olungakumbi kunina nasebandleni, ukubona abasibhozo kwabo bantwana besiya kwiintlanganiso zebandla. Ababini babo babebancinane kakhulu. Konke oku kwenzeka ngenxa yokuba le nkwenkwe ineminyaka emihlanu ubudala yafuna ukudumisa uYehova ize incede abanye.