IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w94 8/1 iphe. 31
  • Imibuzo Evela Kubafundi

No video available for this selection.

Sorry, there was an error loading the video.

  • Imibuzo Evela Kubafundi
  • IMboniselo Evakalisa UBukumkani BukaYehova—1994
  • Amanqaku Afanayo
  • Ukufanisa Abanquli Bokwenyaniso Ngexesha Lokuphela
    Nikela Ingqalelo Kwisiprofeto SikaDaniyeli
  • Iintsuku Zesiprofeto ZikaDaniyeli Nokholo Lwethu
    IMboniselo Evakalisa UBukumkani BukaYehova—1993
  • UYehova Uthembisa UDaniyeli Umvuzo Oncumisayo
    Nikela Ingqalelo Kwisiprofeto SikaDaniyeli
  • Incwadi KaDaniyeli Kunye Nawe
    Nikela Ingqalelo Kwisiprofeto SikaDaniyeli
Khangela Okunye
IMboniselo Evakalisa UBukumkani BukaYehova—1994
w94 8/1 iphe. 31

Imibuzo Evela Kubafundi

Sikuvuyele ukufunda iziprofeto zikaDaniyeli njengoko sasizixubusha ‘kwiMboniselo.’ Noko ke, kwakutheni ukuze imihla yamaxesha amathathu anesiqingatha eSityhilelo 11:3 yahluke kuleyo yencwadi “Incopho YeSityhilelo”?

Ewe, IMboniselo kaNovemba 1, 1993, yanikela utshintsho olungephi ngokubhekisele kwixesha lokuzaliseka kwanamhlanje kweSityhilelo 11:3. Kwakutheni?

Kuqala makhe sihlole ISityhilelo 11:2, esiqukumbela ngokukhankanya “iinyanga ezimashumi mane anambini.” Sihlabela mgama nendinyana 3: “Ndiya kuwanika amangqina am amabini, aprofete imihla eliwaka elinamakhulu mabini anamanci mathandathu, ethiwe wambu ngeengubo ezirhwexayo.” Kuzaliseka nini oko?

Kaloku, kudala amaNgqina kaYehova ekuqonda ukuba esi siprofeto sazaliseka kumaKristu athanjiswe ngomoya emva kokuphela ‘kwamaxesha eentlanga’ (amaXesha Eentlanga) ngowe-1914. (Luka 21:24; 2 Korinte 1:21, 22) Sigqabaza ngoku, ISityhilelo—Incopho Yaso Ezukileyo Isondele!a (1988) sithi kwiphepha 164: “Kwakukho ithuba eliphawuliweyo leminyaka emithathu enesiqingatha laxa izinto ezibuhlungu ezehlela abantu bakaThixo zazifana neziganeko ezaziprofetwe apha—ukususela ekuqhambukeni kwemfazwe yehlabathi yokuqala ngasekupheleni kowe-1914 nokuqhubeka ukuya kutsho ekuqaleni kowe-1918.”

Phawula ukuba imihla enikelweyo ‘yayikukuqhambuka kwemfazwe yehlabathi yokuqala ngasekupheleni kowe-1914 [kwade] kwasekuqaleni kowe-1918.’ Oku kuyafana nemihla esoloko ichazwa, njengaleyo ikwincwadi ethi “Then Is Finished the Mystery of God,” kwiphepha 261-4, (1969).*

Noko ke, IMboniselo yabhekisela kwiziprofeto ezikuDaniyeli, incwadi ewakhankanya kabini amathuba exesha afanayo nalawo akhankanywayo kamva kwiSityhilelo—iminyaka emithathu enesiqingatha, okanye iinyanga ezingama-42. Ngokuthe ngqo, uDaniyeli 7:25 uthi abangcwele bakaThixo babeya konakaliswa ‘kangangexesha namaxesha nesiqingatha sexesha,’ okanye amaxesha amathathu anesiqingatha. Kamva, uDaniyeli 12:7 uxela kwangaphambili ‘ngexesha, amaxesha amabini amisiweyo, nesiqingatha sexesha,’ okanye amaxesha amathathu anesiqingatha, ayeza kufikelela incopho yawo “kwakupheliswa ukuhlekezwa kwamandla abantu abangcwele.”

Ngoko sineziprofeto ezithetha ngethuba lexesha elifanayo kuDaniyeli 7:25, uDaniyeli 12:7, neSityhilelo 11:2, 3, kwanakwiSityhilelo 13:5. Iimpapasho zethu ziye zabonisa ukuba zonke ezi zibhalo zazaliseka ngesihlandlo sowe-1914-18. Kodwa ekuhloleni isiprofeto ngasinye kwezi ngokwahlukileyo, imihla yokuqalisa nokuphela kwazo iye yahluka kancinane.

Noko ke, IMboniselo kaNovemba 1, 1993, yabuza: “Zazaliseka njani zonke ezi ziprofeto zifanayo?” Ewe, iziprofeto zamaxesha amathathu anesiqingatha ezikhankanywe kuDaniyeli 7:25, kuDaniyeli 12:7, nakwiSityhilelo 11:3 zaqondwa ‘njengeziprofeto ezifanayo.’ Ngenxa yoko, zaziya kuvisisana ngokuphathelele ixesha eziqala ngalo neziphela ngalo.

Ngokuphathelele ixesha eziphela ngalo, elo phephancwadi labonisa indlela ukonakaliswa kwabathanjiswa bakaThixo (Daniyeli 7:25) okwafikelela incopho yako ngayo ngoJuni 1918 xa uJ. F. Rutherford nabanye abalathisi beWatch Tower Bible and Tract Society ‘bagwetyelwa ukuthothoza entolongweni ngezimangalo zobuxoki.’ Ngokuqinisekileyo eso siganeko saba ‘kukuphelisa ukuhlekezwa kwamandla abantu abangcwele,’ njengoko kuphawulwe kuDaniyeli 12:7.

Ukubala ukususela kuJuni 1918 sibhekisa ngasemva kusifikisa kuDisemba 1914 ekuqaliseni kwamaxesha amathathu anesiqingatha. Kuloo nyanga yokugqibela yowe-1914, abathanjiswa bakaThixo abasemhlabeni bafunda isibhalo somxholo wonyaka olandelayo: “‘Ngaba ninako na ukusela kwindebe Yam?’—Mateyu 20:20-23.” Eli nqaku lavakalisa isilumkiso esithi: “Kodwa ngubani owaziyo ukuba kusenokubakho uvavanyo olukhethekileyo, indebe yokubandezeleka okanye yokuhlaziswa, kubalandeli abathembekileyo beMvana ebudeni bowe-1915!” Njengoko uDaniyeli 7:25 waxela kwangaphambili ukuba ngeli thuba lamaxesha amathathu anesiqingatha, ‘ukonakaliswa kwabangcwele bOsenyangweni kwaqalisa kwaza kwaqhubeka nxamnye nabo.’ Iintlanga zazitshone azavela nangonwele kwiMfazwe Yehlabathi I, zisenza kube lula ngazo ukuqhubeka nokonakalisa okungenasizathu. Isigqibo sesokuba: Zontathu ezi ziprofeto zifanayo—uDaniyeli 7:25; 12:7, neSityhilelo 11:3—zazaliseka kwiminyaka emithathu enesiqingatha, okanye kwiinyanga ezingama-42, ukususela kuDisemba 1914 ukusa kuJuni 1918.

Oku kucacisa ukulungiswa okuncinane kwimihla yokuzaliseka kweSityhilelo 11:3. Olu tshintsho luyinto esifanele sihlale sicinga ngayo xa sifundisisa naxa sisebenzisa incwadi ethi Incopho yeSityhilelo kwixesha elizayo.

[Umbhalo osemazantsi]

a Ipapashwe yiWatchtower Bible and Tract Society of New York, Inc.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share