IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w04 12/1 iphe. 31
  • Imibuzo Evela Kubafundi

No video available for this selection.

Sorry, there was an error loading the video.

  • Imibuzo Evela Kubafundi
  • IMboniselo Evakalisa UBukumkani BukaYehova—2004
  • Amanqaku Afanayo
  • Wayengubani UMariya Magadala?
    Imibuzo YeBhayibhile Iyaphendulwa
  • Kwigumbi Elitshixiweyo
    Incwadi Yam Yamabali EBhayibhile
  • UYesu Uyaphila!
    UYesu—Indlela, Inyaniso, Ubomi
  • Wanyamezela Intlungu Ebinzayo
    IMboniselo Evakalisa UBukumkani BukaYehova 2014
Khangela Okunye
IMboniselo Evakalisa UBukumkani BukaYehova—2004
w04 12/1 iphe. 31

Imibuzo Evela Kubafundi

Kwakutheni ukuze uYesu ovusiweyo axelele uTomas ukuba amchukumise ekubeni engazange amvumele uMariya Magadala ukuba enjenjalo ngaphambilana?

Ezinye iinguqulelo zeBhayibhile ezindala zinikela ingcamango yokuba uYesu waxelela uMariya Magadala ukuba angamchukumisi. Ngokomzekelo, iBhayibhile yesiXhosa iguqulela amazwi kaYesu ngokuthi: “Ungandichukumisi; kuba andikanyuki ndiye kuBawo.” (Yohane 20:17) Noko ke, isenzi sesiGrike santlandlolo, maxa wambi esiguqulelwa ngokuthi “ukuchukumisa,” sithetha “ukunamathela, ukubambelela, ukuxhakamfula.” Kusengqiqweni ukuthi, uYesu wayengamaleli uMariya Magadala ukuba nje amchukumise, ekubeni kungekudala emva koko wavumela amanye amabhinqa awayesengcwabeni ukuba ‘ambambe ezinyaweni.’—Mateyu 28:9.

Iinguqulelo ezininzi zale mihla, ezinjengeNguqulelo Yehlabathi Elitsha YeZibhalo Ezingcwele, iThe New Jerusalem Bible, neThe New English Bible, zisinceda siqonde intsingiselo yokwenene yamazwi kaYesu ngokuwaguqulela ngokuthi: “Musa ukunamathela kum.” Kwakutheni ukuze uYesu athethe loo mazwi kuMariya Magadala, ngumhlobo osenyongweni?—Luka 8:1-3.

Kusenokwenzeka ukuba, uMariya Magadala wayenoloyiko lokuba uYesu wayeza kuhamba aze anyukele ezulwini. Enqwenela ukuba kunye neNkosi yakhe, wayembambe ngokuqinileyo uYesu, engavumi ukuba ahambe. Ukuze amqinisekise ukuba wayengahambi ngelo xesha, uYesu wamyalela uMariya ukuba anganamatheli kuye kodwa kunoko makahambe aze axelele abafundi bakhe iindaba ezingovuko lwakhe.—Yohane 20:17.

Incoko eyayiphakathi kukaYesu noTomas yayahlukile. Xa uYesu wabonakala kwabanye abafundi, uTomas wayengekho. Kamva, uTomas wavakalisa ukuluthandabuza uvuko lukaYesu, esithi akayi kukholelwa ngaphandle kokuba ubona amanxeba kaYesu ezikhonkwane aze afake isandla sakhe kwicala uYesu awayehlatywe kulo ngomkhonto. Kwiintsuku ezisibhozo kamva, uYesu waphinda wabonakala kubafundi bakhe. Ngeli xesha, uTomas wayekho, yaye uYesu wathi makachukumise amanxeba.—Yohane 20:24-27.

Ngenxa yoko, kwimeko kaMariya Magadala, uYesu wayethetha ngomnqweno wakhe ongafanelekanga wokumthintela ukuba angahambi; kwimeko kaTomas, uYesu wayenceda umntu owayenamathandabuzo. Kuzo zombini ezi meko, uYesu wayenesizathu esifanelekileyo sokwenza ngendlela awenza ngayo.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share