ITHINI IBHAYIBHILE?

Kwenzeka ntoni kuthi xa sisifa?

ABANYE ABANTU BAKHOLELWA ukuba siphila kwesinye isimo, ngoxa abanye becinga ukuba umntu akasoze aphinde aphile emva kokuba efile. Uthini wena?

OKO KUTHETHWA YIBHAYIBHILE

“Abafileyo, abazi nto konke konke.” (INtshumayeli 9:5) Xa sisifa, kuphelile ngathi.

ENYE INTO ESIYIFUNDA EBHAYIBHILENI

• Umntu wokuqala, uAdam, wabuyela eluthulini akufa. (Genesis 2:7; 3:19) Wonke ke umntu xa esifa ubuyela eluthulini njengoAdam.—INtshumayeli 3:19, 20.

• Xa abantu besifa bayagwetyelwa okanye bakhululwe kwizono zabo. (Roma 6:7) Emva kokuba umntu efile, akaphindi ohlwayelwe isono.

Ngaba abafi bangaphinda baphile?

NGABA UNGATHI?

• Ewe

• Hayi

• Mhlawumbi

OKO KUTHETHWA YIBHAYIBHILE

“Kuza kubakho uvuko.” —IZenzo 24:15.

YIYIPHI ENYE INTO ESINOKUYIFUNDA EBHAYIBHILENI?

• IBhayibhile idla ngokufanisa ukufa nokulala. (Yohane 11:11-14) UThixo uyakwazi ukubavusa abafi, njengokuba nathi sikwazi ukuvusa umntu oleleyo.—Yobhi 14:13-15.

• IBhayibhile ithetha ngabantu abaninzi abavuswayo, nto leyo esenza siqiniseke ukuba abafileyo baza kuvuswa.—1 Kumkani 17:17-24; Luka 7:11-17; Yohane 11:39-44.