Indlela I-Index Enokuba Yingenelo Ngayo Entsatsheni
1 Ithetha ngamalungu entsapho, eyoku-1 kuTimoti 5:4 ithi: ‘Mabafunde ukuhlonela [uThixo, NW] kwelabo ikhaya kuqala.’ Ngokwenene, ukuqhelisela ukuhlonel’ uThixo ekuqhubaneni neentsapho zethu kuyinto efanele ifundwe. Kulo mba sifuna ulwalathiso lukaThixo, ekubeni ukunyamekela amalungu entsapho kuyinxalenye yemfanelo yethu yobuKristu. IWatch Tower Publications Index inokusinceda sifumane ulwalathiso kwiimeko ezahlukahlukeneyo ezivelayo kubomi bentsapho. Ukuba ukufumanisa kunzima ukusebenzisa iWatch Tower Publications Index yesiNgesi, uya kufumana iimbekiselo eziluncedo ngokufanayo kwiSalathiso Semibandela esisekupheleni kweMboniselo kaDisemba 15 noVukani! kaDisemba 8.
2 Intsapho ibakho xa indoda nomfazi betshata. (Gen. 2:24) Ngaba ucinga nzulu ngokutshata? Phantsi komxholo othi “Marriage,” uya kufumana umxholwana othi “selecting a mate.” Iimbekiselo ziya kukwalathisa kumacebiso aluncedo mayela nalo mbandela odla ngokuba nzima maxa wambi. Kwakhona i-Index inomxholwana othi “husband’s role” nothi “wife’s role,” ngamnye uneembekiselo kwinkcazelo enokuba yingenelo kwabo banqwenela ukutshata nakwabo sele betshatile. Ukongezelela, imixholwana enjengothi “communication,” “closeness in,” nothi “peace” yalatha kwimibandela enokuba yingenelo kakhulu emtshatweni. Xa kuvela iingxaki, umxholwana othi “problems in” unokukwalathisela kwisiluleko esiluncedo ngendlela onokuzicombulula ngayo.
3 Abantwana balilifa elivela kuYehova. (INdu. 127:3) Abazali banokubakhulisela njani abantwana babo “ekuqeqesheni nasekululekeni [kukaYehova, NW]”? (Efe. 6:4) Okubaluleke kakhulu lulwalathiso uYehova alunikelayo ngeLizwi lakhe nangodidi lomkhonzi othembekileyo. Abazali kufuneka bazazi iimvakalelo neentswelo zabantwana babo. Isiluleko namacebiso aluncedo anokufunyanwa kumxholo weIndex othi “Children” nothi “Youths.” Yaye kuthekani ngokubethelela umthetho kaYehova kwiintliziyo zabo ezisebuthathaka? Umxholo othi “Child Training” ukukhokelela kwingxubusho esengqiqweni yazo zonke iinkalo zokukhulisa abantwana, kuquka nendlela yokubanceda bahlakulele ulwalamano lobuqu noYehova baze bayilangazelele inyaniso.—1 Pet. 2:2.
4 Iingxubusho zeBhayibhile zentsapho ezilungiselelwe kwangaphambili zibalulekile ekwenzeni intsapho ibe nempumelelo. (Dut. 6:6-9; Isa. 54:13; Efe. 5:25, 26) Iimbekiselo kwimibandela yeengxubusho zokonwabisa intsapho zinokufunyanwa phantsi komxholo othi “Families.” Kwi-Index yamva, umxholwana othi “Bible study” unemixholwana emincinane enjengothi “making it effective,” “making it enjoyable,” nothi “making it interesting.” Kwakhona, kutheni ungathi ngamathuba athile uhlolisise elinye lamabali obomi bamaNgqina kaYehova? Phantsi komxholo othi “Full-Time Ministry,” uya kwalathiselwa kumabali obomi anemixholo enjengothi “A Choice I’ve Never Regretted” nothi “Receiving the Requests of My Heart.” Kanti ezinye iingxelo ezilolo hlobo zidweliswe phantsi kothi “Missionaries.” Uludwe olupheleleyo lufumaneka phantsi kothi “Life Stories of Jehovah’s Witnesses.”
5 IWatch Tower Publications Index isisixhobo esimangalisayo sokuqokelela iziluleko neengcamango zobomi bentsapho. Kwanga ingakunceda ukuze uziphumeze ngovuyo olukhulu iimbopheleleko zakho zentsapho.