ISikolo Sobulungiseleli SoBukumkani Sinikela Imfundo Yobuthixo
Abadala banomthwalo omkhulu wembopheleleko. Ukususela ngowe-1959, kwaye kwenziwa amalungiselelo “enkqubo ekhethekileyo yokuqeqeshela umsebenzi wokuvelela” ukuze bancedwe ekuphumezeni esi sabelo sinzima. (jp iphe. 292-3; yb77 iphe. 14) Izicaka zolungiselelo zamenywa ukuba nazo zibekho okokuqala ngowe-1984. ISikolo SoBulungiseleli SoBukumkani sokugqibela saqhutywa ebudeni bonyaka wenkonzo we-1988, yaye baninzi gqitha abangenelwayo.
Ukususela ngoko, kuye kwasekwa amakhulu-khulu amabandla yaye kuye kwamiselwa amawaka-waka abazalwana njengabadala nezicaka zolungiselelo. Kwakhona, kuye kwenziwa iinguqulelo ezithile kwimigaqo yentlangano. Ngoko ke, iQumrhu Elilawulayo liye lalungiselela ukuba bonke abadala nezicaka zolungiselelo zamabandla baye kwiSikolo Sobulungiseleli SoBukumkani ebudeni balo nyaka wenkonzo. Le nkqubo intsha ilungiselelwe ukuze kuhlangatyezwane neentswelo zangoku entsimini. Abameli baseBheteli nabanye babaveleli abahambahambayo baya kukhokela ekufundiseni kwesi sikolo. Iingenelo zesi sikolo kuwo onke amabandla ziya kubonakala njengoko abadala nezicaka zolungiselelo besebenzisa oko bakufundileyo kuso.