Nceda Abanye Bangenelwe Ngokusebenzisa Amaphephancwadi
1 Hayi indlela esivuyiswa ngayo kukufumana iinkupho zakutshanje zeMboniselo noVukani! Siyalixabisa ithuba lokuzifunda ngokukhawuleza kangangoko kunokwenzeka ukuze singenelwe kwinkcazelo eziyinikelayo. Ukongezelela ekuhloleni umbandela oya kusinceda ngokobuqu, kulungile ukuba sikhangele iingongoma esinokuzisebenzisa xa sihambisa la maphephancwadi kwabanye. Kusenokufuneka siphawule amacandelo anokubangela umdla ngokukhethekileyo kwintsimi yebandla lethu okanye side sibhale amanqaku eludinini kwimibhalo yethu ukuze sizikhumbuze ngeengongoma nendlela inqaku elinokuhanjiswa ngayo ekuhlaleni.
2 Oolindixesha bethu abaphelelwa lixabiso. Nangona sisenokunikela ingqalelo ekuhambiseni amaphephancwadi akutshanje, akukho mfuneko yokuwalahla amadala, ekubeni inkcazelo ekuwo ingaphelelwa lixesha. Gcina iinkupho ezindala kwingxowa yakho yenkonzo yasentsimini ukuze zifumaneke xa unikela ubungqina. Ezi zisenokuba luncedo xa uyazi intswelo yomninimzi. Kwakhona amaphephancwadi amadala asenokusetyenziswa nasebudeni bohlaselo lomhlaba ongabelwanga bani.