Iindaba Ezingokobuthixo

EBrazil: NgoJulayi kufikelelwe incopho yesine yabavakalisi kunyaka wenkonzo we-1993 ngokuthi abangama-348 634 bafake ingxelo.

EGabon: Kunyaka wenkonzo we-1993 kufikelelwe incopho yesihlanu ngokuthi abavakalisi abali-1332 bafake ingxelo ngoJulayi. Aba bavakalisi banenzondelelo benze umlinganiselo weeyure ezili-17,8, benza amabuyelo angama-22 658, yaye baqhube izifundo zeBhayibhile zamakhaya ezingama-4280.

EMzantsi Afrika: Kunikezelwe iiHolo zoBukumkani ezintsha ezintathu eMeloding (eVirginia), eVosloorus naseWelkom East. Iholo yaseVosloorus, ekwiMpuma Randi, yakhiwa ngempela-veki kaJulayi 27 nowama-28. Onjani wona umahluko ukubona amakhulu abasebenzi bokuzithandela abanoxolo beentlanga zonke besebenza kunye, ngoxa kuqhubeka ugonyamelo nokudutyulwa kwabantu kwiindawo eziselumelwaneni eKatlehong naseThokoza!

KwiiBahamas: Abavakalisi abali-1294 bavuyiswe kukuba nabangama-3149 abebekho kwiiNdibano ‘Zemfundiso Yobuthixo’ nokubona abangama-38 bebhaptizwa.