Yisebenze Ngokucokisekileyo Intsimi Yakho
1 Maxa wambi sidibana neendawo ezincinane zamashishini kwiindawo ezihlala abantu, njengevenkile ethengisa ukutya, ivenkile yokutyela, okanye isirhoxo. Ukuze ezi ndawo uzigubungele nale ntsimi xa iyonke, ufanele uzityelele ngokufanayo nemizi.
2 Unokusebenzisa intshumayelo elula, nemfutshane, mhlawumbi uthi: “Ndinokuthile ebendingathanda ukukubonisa kona.” Ukuba loo mntu ubonakala exakekile okwaloo mzuzu, usenokumnika nje iphecana uze uthi: “Ndiza kuphinda ndidlule xa ungaxakekanga kakhulu. Bendingathanda ukwazi oko ukucingayo ngalo.”
3 Akukho mfuneko yakoyika xa usenza lo msebenzi. Omnye umvakalisi wathi: “Ndandilindele ukufumana intsabelo engentle. Noko ke, okwandimangalisayo kukuba, ndafumana intsabelo eyahlukileyo kwisigidimi soBukumkani. Babenobubele yaye benobuhlobo ngokwenene kwaye phantse babesoloko bewamkela amaphephancwadi.”
4 Elinye ibhinqa elisebenza kwinkampani ethengisa izindlu lamema amanye amaNgqina ukuba angene kwiofisi yalo. Lawamkela amaphephancwadi laza lathi linomdla ekubeni nesifundo seBhayibhile. Laboniswa incwadi ethi Ulwazi, kwaza kwaqaliswa isifundo seBhayibhile kwangoko, kwakuloo ofisi yalo!
5 Isabelo sokusebenza intsimi yakho enamashishini siquka ukutyelela abantu abaqhuba amashishini ekuhlaleni. (IZe. 10:42) Ceba ukuya kwezi ndawo kanye ngendlela owenza ngayo xa usiya kwizindlu zabantu. Oku akuyi kukwenza uyigubungele kakuhle intsimi yakho nje kuphela kodwa usenokuvuzwa ngamava ayolisayo!