Isingxobo Semibuzo

◼ Yintoni esifanele siyikhumbule xa sibhalela abaninimzi esingabafumenanga emakhaya iileta?

Ngenxa yezizathu ezahlukeneyo, sifumanisa ukuba kuya kusiba nzima ukufumana abantu xa sibatyelela emakhayeni abo. Bambi abavakalisi baye bafumanisa ukuba ukubhala ileta yindlela elula yokubafikelela. Ngoxa oku kusenokuba nemiphumo emihle, kufuneka sihlolisise ezinye zezinto esimele sizikhumbule ukuze siphephe iingxaki ezithile:

Musa ukusebenzisa ikhelingi yoMbutho njengeyakho. Oku kuya kubangela impazamo yokuba loo leta ijongwe njengevela kwiiofisi zethu, nto leyo ebangela iingxaki ezingeyomfuneko yaye maxa wambi neendleko ezithe chatha.

Qiniseka ukuba usebenzisa ikhelingi echanileyo nesitampu esifanelekileyo.

Musa ukubhala ezo leta njengeziya “Kumntu Walapho”; sebenzisa igama elithe ngqo.

Musa ukuzishiya emnyango iileta xa kungekho mntu ekhaya.

Kuhle ukuba iileta zibe mfutshane. Faka iphecana okanye iphephancwadi phakathi kunokuzama ukubhala isigidimi eside.

Kulula kakhulu ukufunda iileta ezichwetheziweyo yaye zibangel’ umdla.

Iileta azibalwa njengamabuyelo ngaphandle kokuba ubunikele ubungqina ngokobuqu kuloo mntu ngaphambili.

Ukuba ubhalela umntu obebonise umdla ngaphambili, ufanele ubhale ikhelingi nenombolo yomnxeba ukuze anxibelelane nawe. Mcacisele ngelungiselelo lethu lesifundo seBhayibhile.

Mmemele kwiintlanganiso zebandla lasekuhlaleni. Mnike ikhelingi namaxesha eentlanganiso.

Musa ukuqhubeka uthumela iileta kubantu ongabafumenanga emakhaya emva kokuba ulibuyisele iqweqwe lentsimi; ngumvakalisi elinikwe yena onembopheleleko yokuwusebenza ngoku.