Isingxobo Semibuzo

◼ Kutheni sifanele silumke xa sinikela ubungqina ngeleta?

Ukunikela ubungqina ngeleta kuye kwangqineka kuyindlela ephumelelayo yokushumayela iindaba ezilungileyo. Noko ke, iziganeko eziye zenzeka kutshanje ehlabathini ziye zabenza abantu boyika ukuvula iileta abangazaziyo. Iimvulophu ezivela kubantu abangaziwayo okanye ezingenayo idilesi yalowo uyithumeleyo, ziye zingaqondwa, ngokukodwa ukuba zibhalwe ngesandla yaye zinkulu. Abaninimzi banokusuka bazilahle bengakhange bazivule. Sinokukuthintela njani oku?

Ukuba kunokwenzeka, iimvulophu neeleta zifanele zibhalwe ngomatshini wokuchwetheza. Imvulophu ifanele ithunyelwe ngegama lomninimzi. Musa ukubhala “Mhlali (Occupant)” kwidilesi. Ukongezelela bhala idilesi yakho. Ukuba awunakukwazi ukubhala idilesi yakho ngenxa yezizathu ezithile, bhala igama lakho nedilesi yeHolo yoBukumkani. Musa ukuthumela iileta ezingachazwanga apho zivela khona. Ungaze uyisebenzise idilesi yeofisi yesebe.—Bona Isingxobo Semibuzo soBulungiseleli Bethu BoBukumkani bukaNovemba 1996.

Amacebiso angakumbi, kunye neleta eyisampulu, anokufumaneka kwincwadi ethi Zuza Kwimfundo Yesikolo Sobulungiseleli Sobuthixo, iphepha 71-3. Olu lwalathiso luya kusinceda sizisebenzise kakuhle iileta ukuze sifikelele abanye ngeendaba ezilungileyo.