Iindaba Ezingokobuthixo

EMzantsi Afrika: UMgqibelo, kaNovemba 2, 1996, wayesisihlandlo sovuyo olukhulu kubazalwana bethu abangama-2024 ababehlanganisene ekunikezelweni kweHolo yabo yeNdibano entsha eBellville kwiNtshona Koloni. Into eyongezelela kuvuyo lwabo bubukho bukamongameli woMbutho, uMzalwan’ uMilton G. Henschel nenkosikazi yakhe. Wanikela intetho yonikezelo. Ngenxa yobubele babazalwana bethu baseKapa, amalungu eKomiti Yesebe nabafazi bawo ayezimase eso sihlandlo sibalulekileyo. Sibamba ngazibini kubazalwana bethu ngembonakaliso entle ngolo hlobo yothando lwabo nangenzondelelo yabo ngoYehova abayibonakalise ngomoya wabo wokubuk’ iindwendwe.

NgeCawa, abangama-9500 babehlanganisene eStellenbosch apho uMzalwan’ uHenschel wanikela intetho ekhuthaza ngokwenene eyayisekelwe kwiNtshumayeli isahluko 12. Wahlab’ ikhwelo kulutsha oluninzi olusentlanganweni ukuba lwenze inkonzo yexesha elizeleyo usukelo lwalo. Xa utyelele kwelaseKapa, wamkelekile ukuba uye kuzibonela le Holo yeNdibano.