Yintoni Injongo?
1 Kutheni siqhuba izifundo zeBhayibhile zasekhaya nje? Ngaba kukuze sinike abantu ulwazi, kukuze siphucule ubomi babo, okanye kukuze sibenze babe nethemba eliqaqambileyo ngekamva? Akunjalo. Injongo yethu eyintloko kukwenza abafundi bakaYesu Kristu! (Mat. 28:19; IZe 14:21) Kungenxa yeso sizathu lento abantu esifunda nabo kufuneka banxulumane nebandla. Inkqubela yabo yokomoya inxibelelene ngokungqalileyo nokuyixabisa kwabo intlangano yamaKristu.
2 Indlela Okunokuphunyezwa Ngayo Oku: Kwasekuqaleni, sibongoze ngokuqhubekayo isifundo ukuba siye kwiintlanganiso zebandla. (Heb. 10:24, 25) Cacisa iindlela ezi ntlanganiso eziya kulomeleza ngayo ukholo lwaso, zisincede senze ukuthanda kukaThixo, zize zisenze sinxulumane nabanye abafuna ukudumisa uYehova. (INdu. 27:13; 32:8; 35:18) Amagqabaza akho othando noxabiso ngebandla neentlanganiso aya kuvuselela umnqweno waso wokubakho.
3 Abo basebatsha kufuneka baqonde ukuba intlangano kaYehova bubuzalwana bezizwe ngezizwe. Usenokulungiselela izixhobo ezifunekayo ukuze ubabonise ividiyo ethi Jehovah’s Witnesses—The Organization Behind the Name nethi Our Whole Association of Brothers. Bancede baqonde ukuba uYehova usebenzisa izigidi zabantu abazahluleleyo ukuze afeze ukuthanda kwakhe. Nceda aba basebatsha bazi ukuba nabo bayamenywa ukuba bakhonze uThixo.—Isa. 2:2, 3.
4 Kubangela uvuyo olungathethekiyo ukubona isifundo seBhayibhile sisiba ngumfundi wokwenyaniso kaYesu. Yileyo ke injongo yethu!—3 Yoh. 4.