Oko Unokukuthetha Ngamaphephancwadi

IMboniselo Mat. 15

“Ngaba akuvumelani nam xa ndisithi lo mhlaba ubunokuba bhetele ukuba besikhokelwa ngabantu abalungileyo? [Vumela impendulo.] Khawubone oko iBhayibhile ikuthembisayo. [Funda INdumiso 37:11.] Uxolo olunje besiya kulufumana kuphela ukuba besikhokelwa yiNkokeli egqibeleleyo echazwe kula manqaku.”

IMboniselo Apr. 1

“Khawundivumele ndikubonise iindaba ezivuyisayo ezifumaneka eBhayibhileni. [Funda uMateyu 22:37.] Ucinga ukuba athetha ntoni la mazwi? [Vumela impendulo.] Khawujonge eli nqaku lithi, ‘Funa UThixo Ngentliziyo Nangengqondo Yakho.’ Ngaba ukholo lokwenene lungumbandela nje wentliziyo, okanye ngaba lufanele lubandakanye ingqondo? Uya kungenelwa gqitha yimpendulo.”

Vukani! Mat. 8

“Iinyikima ziye zibulale abantu abaninzi kwaye zishiye kuthe waca yonk’ into. Abasindileyo badla ngokushiyeka bengenamakhaya, bengakwazi nokuphinda babuyele kwimeko yangaphambili. Le nkupho kaVukani! ibonisa indlela amaxhoba aye akwazi ngayo ukujamelana nobomi emva kwenyikima. Ikwachaza nendima iinyikima ezinayo kwiziprofeto ezibaluleke kakhulu zeBhayibhile.”

“Njengokuba nawe usazi, ukunyamekela intsapho kulucelomngeni kule mihla, kwaye ukuba ngumama ngumsebenzi. Le nkupho kaVukani! inengxubusho ebangel’ umdla enomxholo othi ‘Ukuba Ngumama—Ngaba Kokwamabhinqa Akhethekileyo?’ Ndingathanda ukukushiyela lo mbhalo.”