Iintshayelelo Zamaphephancwadi

IMboniselo Mat. 15

“Phantse sonke sakha safelwa ngumhlobo okanye isihlobo. Ngaba ukhe wasiva esi sithembiso sithuthuzelayo? [Funda IZenzo 24:15. Emva koko mvumele aphendule.] Kodwa ke abantu abaninzi bazibuza le mibuzo, Ngoobani abaya kuvuswa? Baya kuvuka nini? Bevuselwa phi? Eli phephancwadi liphendula le mibuzo ngokusuka eBhayibhileni.”

Vukani! Mat.

“Abantu abaninzi bakholelwa ukuba uYesu nguThixo. Okubangel’ umdla kukuba, umfundi kaYesu, uPetros, wathi nguNyana kaThixo. [Funda uMateyu 16:16.] Ucinga ukuba kunokwenzeka ukuba uYesu abe nguThixo aze kwangaxeshanye abe nguNyana kaThixo? [Mvumele aphendule.] Eli nqaku likwiphepha 12-13 liphendula lo mbuzo, lityhila imbono yeBhayibhile.”

IMboniselo Apr. 1

“Le ntetho iqhelekileyo ibalaselisa ukubaluleka kokungenisa ulwazi ngoThixo. [Funda uMateyu 4:4.] Noko ke, abantu abaninzi bakufumanisa kunzima ukuqonda iLizwi likaThixo. Ngaba nawe ukufumanise kunjalo? [Mvumele aphendule.] Eli phephancwadi lineengongoma ezinokukunceda uqonde iBhayibhile.”

Vukani! Apr.

“Baninzi abantu abafuna ulonwabo, kodwa bambalwa abalufumanayo. Ngaba ucinga ukuba ikho into kwezi zidweliswe apha enokwenza abantu bonwabe nangakumbi? [Mbonise ibhokisi ekwiphepha 9. Mfundele izibhalo ezicatshuliweyo.] Lo Vukani! uxubusha ngendlela iBhayibhile ethi sinokulufumana ngayo ulonwabo lokwenene.”