Isizathu Sokuba Sibathande Bonke Abazalwana Bethu

Kweli hlabathi lanamhlanje lingenaluthando, sinokuhlala njani sibathanda abazalwana bethu bokomoya? (1 Pet. 2:17) Sinokubabonisa njani abanye ukuba ubuzalwana bethu behlabathi lonke buyinto yokwenene? (Mat. 23:8) Ngevidiyo ethi Our Whole Association of Brothers. Ibonisa izizathu zokuba sithandane. Khawuhlole ukuba unako ukuyiphendula le mibuzo kusini na:

(1) Ziziphi izinto ezintathu esiba nesabelo kuzo sonke kubuzalwana bethu obusehlabathini lonke? (2) Abazalwana bethu babonisa njani ukuba bazimisele ukushumayela (a) kwimpengezi yaseAlaska, (b) kumazibuko amakhulu aseYurophu, (c) nakumahlathi ashinyeneyo asePeru? (3) Sisiphi esona sixhobo siphumelelayo sokushumayela? (4) Kutheni singafanele sicinge ukuba ukushumayela ngumsebenzi nje oqhelekileyo? (5) Nika imizekelo yeendlela amaNgqina kaYehova aye athuthuzelana aza axhasana ngazo kumaxesha obunzima—xa kukho iinyikima, iinkqwithela, naxa kukho iimfazwe zamakhaya. (Bona amagqabaza kaTakao kwiphepha 23 kuVukani! wesiNgesi ka-Agasti 22, 1995, nakaKotoyo kwiphepha 18 kuVukani! kaNovemba 8, 1996) (6) Ziziphi iindlela ngamnye wethu anokubonisa ngazo uphawu olubalaseleyo lobuzalwana bethu bobuKristu? (Yoh. 13:35) (7) Sifanele sizixabise kangakanani iintlanganiso zethu zebandla? (8) Ukuba neHolo yoBukumkani kubachaphazela njani abo bebengenayo ngaphambili? (9) Babephila njani ngokomoya abazalwana bethu baseMpuma Yurophu nabaseRashiya ngexesha umsebenzi wawuvaliwe? (10) Yiyiphi imigudu ekhethekileyo eyenziwa ngamaNgqina ukuze aye ezindibanweni, yaye kutheni? Iye yayichukumisa njani intliziyo yakho loo nto? (11) Kutheni nizimisele ukunqula kunye ngomanyano, ukunceda abanye ngamaxesha eengxaki, nokushumayela ngokuthembeka nanini na ixesha livuma? (12) Kutheni kuyinto efanelekileyo ukuba nayo le vidiyo nokuyibonisa abantu abanomdla abaninzi kangangoko?