Iintshayelelo Zamaphephancwadi

IMboniselo Mat. 15

“Ucinga ukuba iimfundiso zikaYesu ziyasebenza kweli xesha siphila kulo? [Mvumele aphendule.] Ngokuqinisekileyo uya kuvumelana nalo myalelo wanikelwa nguYesu ngosuku lokugqibela lobomi bakhe. [Funda uYohane 15:12.] Ngaloo mini uYesu wafundisa nezinye izifundo ezibalulekileyo. Le Mboniselo ibonisa indlela esinokungenelwa ngayo kuzo.”

IMboniselo Apr. 1

“Apha kuboniswe isidlo esiqhelekileyo esibizwa ngokuba Sisidlo Sokugqibela. [Mbonise eli phephancwadi ngaphandle nangasemva.] Ubusazi ukuba esi kuphela kwesiganeko amaKristu ayalelwa ukuba asikhumbule? [Mvumele aphendule. Emva koko funda uLuka 22:19.] Eli phephancwadi lichaza isizathu sokuba sibaluleke esi khumbuzo nendlela esikuchaphazela ngayo.”

Vukani! Apr. 8

“Ngaba ukhe waphawula ukuba kule mihla yethu abantu abaninzi abalali ngokwaneleyo? [Mvumele aphendule.] Ixhala okanye ukukhathazeka zinokufak’ isandla kule ngxaki. [Funda INtshumayeli 5:12.] Eli phephancwadi lihlolisisa ezinye izinto ezibangelwa kukungabi nabuthongo, yaye linamacebiso esinokuwasebenzisa ukuze siphucule indlela esilala ngayo.”

“Ngaba ayihambis’ umzimba into yokuba ubomi babantu abaninzi abaselula bonakaliswe ziziyobisi? [Mvumele aphendule.] Ngokufuthi iingxaki ziqala xa ulutsha lunxulumana nabantu abangalunganga. [Funda eyoku-1 yabaseKorinte 15:33.] Lo Vukani! uhlolisisa into ephembelela abaselula ukuba baqalise ukusebenzisa iziyobisi nendlela abazali abanokubahlangula ngayo.”