Iintshayelelo Zamaphephancwadi

IMboniselo Juni 15

“Bambi abantu bavakalelwa kukuba uYesu wayengoyena mntu mkhulu kwimbali. Bambi bayabuthandabuza ubukho bakhe. Ngaba ucinga ukuba kubalulekile esikukholelwayo ngaye? [Emva kokuba ephendule, funda IZenzo 4:12.] Bubuphi ubungqina bokuba uYesu wakha waphila emhlabeni? Eli phephancwadi lixubusha loo mbuzo.”

IMboniselo Julayi 1

“Enye yezona zinto zifunwa ngabantu kukuthanda nokuthandwa. [Funda amazwi acatshulweyo akwiphepha 4.] Sekunjalo, ngaba ukhe waphawula ukuba ibutho labantu langoku linezinye izinto ezibalulekileyo kunale? [Mlinde aphendule.] Eli phephancwadi lixubusha oko lukuko uthando lokwenene nendlela olunokukhuliswa ngayo.” Funda eyoku-1 kwabaseKorinte 13:2.

Vukani! Julayi 8

“Abantu abaninzi baxhalabele imeko-bume yendalo. Ucinga ukuba banokukwazi ukulondoloza amahlathi ashinyeneyo asehlabathini? [Mlinde aphendule.] Eli phephancwadi lichaza imigudu eyenziwayo yokukhusela amahlathi ashinyeneyo. Kwakhona lixubusha indlela eliya kuzalisekiswa ngayo eli themba likaThixo lichulumancisayo.” Funda uIsaya 11:9.

“Abantu abaninzi bafumanisa ukuba ukwanda kogonyamelo kuyaphazamisa. [Caphula umzekelo wento eyaziwayo ekuhlaleni, uze umlinde aphendule.] Eli phephancwadi lixubusha ezinye zezinto ezikhokelela kulwaphulo-mthetho olunogonyamelo. Lichaza nendlela uThixo aya kuluphelisa kuthi tu ngayo ulwaphulo-mthetho nogonyamelo.” Funda INdumiso 37:10, 11.