Intshayelelo Zamaphephancwadi

IMboniselo Jul. 15

“Ebudeni bamawaka eminyaka yembali yoluntu, abantu baye baba neenkolelo ezahlukahlukeneyo. Ucinga ukuba kunokwenzeka sizazi ezo ziyinyaniso nezo zibubuxoki? [Mvumele aphendule.] Eli phephancwadi lichaza apho unokufumana khona iimfundiso eziyinyaniso ukuze ukholise uThixo.” Funda eyoku-1 kuTimoti 3:16.

IMboniselo Aga. 1

“Abantu abaninzi namhlanje baziva bengaxabisekanga. Ucinga ukuba kunokwenziwa ntoni ukuze bancedwe? [Mvumele aphendule.] Eli phephancwadi lichaza indlela iBhayibhile enokubanceda ngayo abanjalo ukuba bonwabe ngokwenene.” Gqabaza ngezibhalo ezibhalwe ngamagama akekeleyo nangqindilili kwinqaku elithi “IBhayibhile Inokukunceda Ufumane Ulonwabo.”

Vukani! Aga. 8

“Kubuhlungu ukubona indlela abantu ababandazeleka ngayo ngenxa yeentlekele zemvelo. [Thetha ngomzekelo owaziwayo ekuhlaleni.] Ucinga ukuba iintlekele ezinjalo ziyanda? [Mvumele aphendule.] Eli phephancwadi liphendula loo mbuzo. Kwakhona lithuthuzela abo baye bafelwa ngababathandayo kwezo zihelegu.” Funda uYohane 5:28, 29.

“Abantu abaninzi bahlala besoyika. Ucinga ukuba lubangelwa yintoni uloyiko olunjalo? [Mvumele aphendule.] Eli phephancwadi linikela amacebiso asebenzayo ukuze sizikhusele kwiingozi eziqhelekileyo. Kwakhona lithetha ngesithembiso esenziwa yiBhayibhile sehlabathi apho ukoyika kuya kuba kungasekho.” Funda uIsaya 11:9.