Ileta Evela KwiSebe

Bavakalisi BoBukumkani Abathandekayo,

“UThixo wakhulisa.” (1 Kor. 3:6) Hayi indlela ekubangel’ imincili ngayo ukubona indlela ekhule ngayo intsimi enyanyekelwa lisebe loMzantsi Afrika ebudeni bonyaka wenkonzo wama-2003.

UAprili ibiyeyona nyanga ibalaseleyo! EMzantsi Afrika kuye kwanikelwa ingxelo yencopho entsha yabavakalisi abangama-73 456 nezifundo zeBhayibhile ezingama-97 066; eNamibia, izifundo zeBhayibhile zili-1 725, iiyure zingama-26 216, amaphephancwadi ali-18 811 namabuyelo angama-9 130; eLesotho abavakalisi bangama-2 942 nezifundo zeBhayibhile zingama-4 220; ukanti eBotswana abavakalisi bali-1 288. Siyabancoma abazalwana baseSwazini nabaseSt. Helena ngokuzibhokoxa kwabo.

UYehova uyawusikelela umsebenzi owenziwa kubantu abangevayo. NgoJulayi 1, eRhawutini kwasekwa ibandla lokuqala labasebenzisa iNtetho Yezandla yaye liza kunyamekela abantu abangevayo abakwinkoliso yemimandla yaseGauteng. Namaqela abo basebenzisa iNtetho Yezandla aseKapa, eThekwini, eWindhoek naseGaborone enza inkqubela encomekayo.

Ekupheleni kukaJulayi, kuye kwanikezelwa iiHolo zoBukumkani ezintsha ezingama-35 yaye zininzi ezisakhiwayo. Sithi maz’ enethole kwiiKomiti Zokwakha Zenqila ezingama-25 nakubasebenzi bokuzithandela abaninzi ngenkonzo abayinikelayo.

Ukuze kwenziwe uncwadi lwale ntsimi ikhulayo, sithethanje eRoodekrans kwandiswa indawo yokushicilela. Abakhi baqhubela phambili ngomsebenzi wabo yaye bafanele bawugqibe ebutsheni bowama-2004. Umatshini wokushicilela omkhulu wodidi oluphezulu uza kufika malunga noAprili 2004. Lo matshini uza kukhupha amaphephancwadi angama-25 ngomzuzwana nje omnye. Kwakulo nyaka wama-2004 kuza kufakwa nomatshini omtsha wokudibanisa iincwadi ezinoqweqwe.

Njengoko siqalisa unyaka wenkonzo wama-2004, sikunye nani sithandazela ukuba uYehova ‘aqhubeke ekhulisa.’

Abazalwana benu,

IOfisi Yesebe LaseMzantsi Afrika