Iintshayelelo Zamaphephancwadi

IMboniselo Okt. 15

“Izigqibo ezininzi esijamelene nazo zibuchaphazela ngokwenene ubomi bethu. Yintoni enokusinceda siphephe ukwenza izigqibo ezingezozabulumko? [Mlinde aphendule. Emva koko funda IMizekeliso 3:6.] Le nkupho yeMboniselo inemigaqo emihlanu esekelwe eBhayibhileni enokusinceda senze izigqibo zobulumko.”

IMboniselo Nov. 1

“Ngaxa lithile sonke siye saphoxwa ngabantu ebesibathembile. Ngaba wakha wazibuza, ‘Ngaba ukho umntu endinokumthemba?’ [Mlinde aphendule. Emva koko funda IMizekeliso 3:5.] Eli phephancwadi licacisa isizathu sokuba sinokumthemba ngokupheleleyo uThixo. Likwaxubusha nendlela esinokubabona ngayo abantu esinokubathemba.”

Vukani! Nov. 8

“Ukhe waphawula ukuba ziya zisiba zininizi izifo ezinganyangekiyo? [Mlinde aphendule.] Eli phephancwadi lihlolisisa izizathu zoku lize lisicebise ngendlela esinokuzikhusela ngayo. Likwathetha ngethemba eliseBhayibhileni lehlabathi ekungasayi kubakho mntu ugulayo kulo.” Funda uIsaya 33:24.

“Izinto ezenziwe ngepetroleum zichaphazela phantse zonke iinkalo zobomi bethu. Ngaba wakha wazibuza ukuba bebuya kuba njani ubomi ngaphandle kwazo? [Mlinde aphendule.] Eli phephancwadi lixubusha indlela eye yabalasela ngayo ioli kwibutho lanamhlanje. Likwacacisa nesizathu sokuba singafanele soyikiswe kukuba ngenye imini iya kuze iphele.”