Iintshayelelo Zamaphephancwadi

IMboniselo Okt. 15

“Abaninzi bakholelwa kwelokuba baya kwaneliseka ngakumbi ebomini xa benemali eninzi. Ucinga ukuba bachanile? [Mlinde aphendule.] Khawuphawule amazwi awabhalwa yenye indoda eyayisisinhanha. [Funda INtshumayeli 5:10.] Eli phephancwadi lixubusha ngemilinganiselo ebodlula lee ubutyebi bezinto eziphathekayo.”

IMboniselo Nov. 1

“Abantu abaninzi abanalo ithemba lokuba iinkokeli zabantu zingakwazi ukucombulula iingxaki zanamhlanje. Ucinga ukuba ukho onokukwazi ukuphumeza oku kuprofetwe ngako kwezi ndinyana? [Funda INdumiso 72:7, 12, 16. Emva koko mlinde aphendule.] Eli phephancwadi liyasixelela ukuba ngubani le nkokeli kwakuthethwa ngayo apha noko iya kukwenza.”

Vukani! Nov. 8

“Abantu abaninzi bakubona kubalulekile ukufundisa abantwana besebancinane. Ukubona kuyimfuneko oku kweli xesha lethu? [Mlinde aphendule. Emva koko funda IMizekeliso 22:6.] Le nkupho kaVukani! ixubusha ngezinto ezikhethekileyo abanokubanceda ngazo abazali abantwana babo ukuze bakhule bethembekile baze baphumelele ebomini.”

“Akuvumelani nam xa ndisithi abantwana bafuna ukwalathiswa indlela yokumelana neengcinezelo abajamelene nazo namhlanje? [Mlinde aphendule. Emva koko funda amaEfese 6:4.] Eli phephancwadi lihlolisisa intsingiselo yokwenene yoqeqesho. Likwaxubusha nendlela abazali abanokubalathisa baze babalungise ngayo abantwana ngaphandle kokubadimaza.”