Iintshayelelo Zamaphephancwadi

IMboniselo Apr. 15

“Bambi abantu bavakalelwa kukuba yonke into eyenzeka ebomini, kuquka iintlekele, kukuthanda kukaThixo. Ngaba wakha wazibuza ngoko? [Mvumele aphendule.] Abantu abaninzi bayawazi lo mthandazo. [Funda uMateyu 6:10b.] Kuyintoni ukuthanda kukaThixo ngomhlaba, yaye kuya kuzaliseka nini ngokupheleleyo? Eli phephancwadi liphendula loo mbuzo ngeBhayibhile.”

IMboniselo Meyi 1

“Ngelizama ukuphucula ibutho labantu, zimbi iinkokeli zonqulo ziye zangena kwezobupolitika. Noko ke, phawula oko kwenziwa nguYesu xa abantu babefuna ukumenza ukumkani. [Funda uYohane 6:15.] UYesu watsalel’ ingqalelo kwinto eyayiza kubanceda ngokusisigxina abanye. Eli phephancwadi lixubusha ngaloo nto.”

Vukani! Meyi 8

“kwihlabathi lanamhlanje, bambi abantu baphelelwe lithemba. Ngaba nawe ukhe uvakalelwe ngaloo ndlela maxa wambi? [Mvumele aphendule. Yandula ke ufunde eyabaseRoma 15:4.] Inkoliso yabantu iyakuqonda ukubaluleka kokuba nethemba. Uza kukuvuyela ukuqwalasela izizathu ezisixhenxe eziseZibhalweni zokuba nethemba ezichazwe kule nkupho kaVukani!”

“Abantu abaninzi bahlangabezana neemeko ezilucelomngeni emsebenzini. Abanye bade bakhathazwe nangabo basebenza nabo. Ngaba ubusazi ukuba iBhayibhile inamacebiso anokusinceda sihlangabezane nezo ngxaki? [Mvumele aphendule. Yandula ke ufunde IMizekeliso 15:1.] Eli phephancwadi licebisa ngendlela yokuba seluxolweni nabanye emsebenzini.”