Iintshayelelo Zamaphephancwadi

IMboniselo Jul. 15

“Ukuba iindaba zale mihla bezinokuthetha ngesiganeko esifana nesi [esiboniswe kwiphepha elingaphandle], mhlawumbi abantu abaninzi bebeya kuzithandabuza. Ucinga ntoni wena? [Mlinde aphendule. Emva koko funda uMarko 4:39.] Bubuphi ubungqina obubonisa ukuba imimangaliso eyayisenziwa nguYesu yayichanile? Le Mboniselo iphonononga lo mbuzo.”

IMboniselo Aga. 1

“Ekubeni uluntu lwahlulelene kangaka, abanye bavakalelwa kukuba ngurhulumente wehlabathi kuphela onokuzisa uxolo ehlabathini. Ucinga ukuba inokwenzeka loo nto? [Mlinde aphendule. Emva koko funda uDaniyeli 2:44.] Eli phephancwadi lithetha ngento eyenziwa buBukumkani bukaThixo ngoku nendlela obuya kuluzisa ngayo uxolo ehlabathini kungekudala.”

Vukani! Aga. 8

“Kweli hlabathi siphila kulo, izaphuli-mthetho zisoloko ziqulunqa iindlela ezintsha zokuqhatha abantu bengalindelanga. Ngaba le nto iyakuxhalabisa? [Mlinde aphendule.] Lo Vukani! uxubusha iindlela ezimbalwa ezisisiseko ezinokusenza sihlale sivule amehlo nezinokusinceda sizikhusele ekuqhathweni.” Funda IMizekeliso 22:3.

“Sonke siyakhathazeka xa sisiva ngokuxhatshazwa kwabantwana. Mhlawumbi ukhe wazibuza oku, ‘Ngaba uThixo uyakhathala ngokwenene?’ [Mlinde aphendule. Emva koko funda INdumiso 72:12-14.] Eli nqaku lisixelela indlela uThixo avakalelwa ngayo ngabantwana nendlela aya kubathuthuzela ngayo kungekudala bonke abo baphethwe kakubi.”