Iintshayelelo Zamaphephancwadi

IMboniselo Julayi 15

“Ngaba unokuze abekho urhulumente onokucombulula iingxaki zabantu? [Mvumele aphendule.] UYesu wafundisa abafundi bakhe ukuba bathandazele urhulumente onjalo kuMateyu 6:9, 10. [Yifunde.] Eli phephancwadi lichaza isizathu sokuba uBukumkani bukaThixo bungaphezulu koorhulumente babantu lize lithethe nangeentsikelelo obuya kuzizisela uluntu.”

Vukani! Julayi

Xa udibana nomntu oselula unokuthi: “Abantu abaninzi abalingana nawe bayafuna ukutshata. Ucinga ukuba ungayifumana phi inkcazelo eluncedo ngalo mbandela? [Mvumele aphendule.] Khawuve ukuba ngubani owaqalisa umtshato. [Funda uMateyu 19:6.] Eli phephancwadi lichaza eminye imigaqo yeBhayibhile enokusinceda sakhe umtshato owonwabisayo.”

IMboniselo Aga. 1

“Ixhaphake gqitha kule mihla into yokubona abantu bephatha abanye kakubi. Ucinga ukuba izinto beziya kutshintsha ukuba abantu abaninzi bebesebenzisa la mazwi kaYesu? [Funda uMateyu 7:12 uze umvumele aphendule.] Eli phephancwadi libonisa ngokusuka eBhayibhileni indlela abantu abaya kulifumana ngayo ilungelo labo elisisiseko lokuphathwa ngesidima.”

Vukani! Aga.

“Sonke siyafuna ukuba nempilo esemgangathweni. Ngaba ubusazi ukuba oogqirha abaninzi namhlanje bamathidala ukutofela igazi? [Mvumele aphendule.] Eli phephancwadi liyasichaza isizathu soko. Likwachaza ngokusuka eBhayibhileni isizathu sokuba uThixo ajonge igazi njengelixabisekileyo.” Funda iLevitikus 17:11.